NGILEHILELƐ ƐLƐKA 20A

Azɛlɛ Ne Ɛhyɛlɛ

Azɛlɛ ne mɔɔ bɛbahyɛ ye pɛpɛɛpɛ la maanle menli ne nyianle anwodozo kɛ, bɛ sa baha bɛ azɛlɛ ne mɔɔ bɛ nye die nwolɛ la. Duzu a yɛsukoa yɛfi ɛnyelɛzodeɛnwunlɛ ɛhye anu ɛnɛ a? Suzu ɛnyelɛzodeɛnwunlɛ ne foa nwiɔ anwo:

Mape mɔɔ kile azɛlɛ ne mɔɔ bɛhyɛle bɛmaanle menli mɔɔ vi akɛlɛzonlenlɛ nu rale la ɛweɛne ne mɔ kɛ mɔɔ Yizikeɛle hɛlɛle la. Bɛhyɛle bɛmaanle abusua ne mɔ pɛpɛɛpɛ ɔvi sɔlɔ mɔɔ kɔ nyiakɛ, Dan, Ahya, Nafetalae, Manasɛ, Yifelaem, Wulubɛn, Dwuda, Ndoboa Ne (arane ne anu menli azɛlɛ), Bɛngyaman, Semɛyɔn, Yesakaa, Zɛbulɛn, yɛɛ Gaade.

Ɛleka kpalɛ nee gyima mɔɔ sonle bolɛ

Menli mɔɔ ɛzia ɛra la anu biala banyia agyapadeɛ wɔ Ɛwɔkɛ Azɛlɛ ne mɔɔ bɛ sa ɛha ye bieko la azo. Ɛnɛ noko Gyihova azonvolɛ amuala bɛanyia ɛleka wɔ sunsum nu paladaese ne anu. Ɔnva nwo yɛ gyinlabelɛ wɔ ahyehyɛdeɛ ne anu, yɛlɛ ɛleka kpalɛ nee gyima mɔɔ sonle bolɛ la wɔ yɛ sunsum nu azɛlɛ ne azo. Gyihova azonvolɛ amuala anwo hyia ye pɛpɛɛpɛ.

Bɛbahyɛ azɛlɛ ne pɛpɛɛpɛ

Wɔ Yizikeɛle ɛnyelɛzodeɛnwunlɛ ne anu, menli mɔɔ de Ɛwɔkɛ Azɛlɛ ne mɔɔ bɛ sa ɛha ye bieko azo la, nyianle azɛlɛ ne bie pɛpɛɛpɛ. Ɛnɛ noko, Gyihova ɛmaa ye azonvolɛ kɔsɔɔti sunsum nu paladaese ne anu nyilalɛ ne mɔ bie pɛpɛɛpɛ.

Sia kɔ tile 20, ɛdendɛkpunli 5-11