NGILEHILELƐ ƐLƐKA 19B
Azule Mɔɔ Senze La Hakyile Azudenle!
Yizikeɛle nwunle azule bie kɛ ɔvi ɛzonlenlɛsua ne anu ɔlɛsenze, na ɔkadwu mayɛlɛ ko pɛ la ɛnee yehakyi azudenle! Ɔnwunle mbaka ngɛnlɛma bie mɔɔ maa bɛnyia aleɛ na eza bɛfa bɛyɛ ayile la wɔ ɔ nloa. Duzu a ɔkile a?
Azule Ne Maa Nyilalɛ
TETE NE: Mɔɔ menli ne ziale rale la, bɛnyianle nyilalɛ wɔ mekɛ mɔɔ bɛboale bɛmaanle bɛvale nɔhalɛ ɛzonlenlɛ bɛziele ɛkɛ ne bieko wɔ ɛzonlenlɛsua ne anu la
ƐNƐ MEKƐ YE: Bɛvale nɔhalɛ ɛzonlenlɛ bɛziele ɛkɛ ne bieko wɔ 1919 la, Nyamenle nɔhalɛ azonvolɛ nyianle sunsum nu nyilalɛ dɔɔnwo
KENLE BIE: Wɔ Amagɛdɔn anzi, Gyihova bamaa yɛanyia nwonane nu nee sunsum nu nyilalɛ
Nzule Mɔɔ Maa Ngoane
TETE NE: Gyihova yilale ye menli ne kpalɛ, bɔbɔ wɔ mekɛ mɔɔ bɛ dodo ne hɔle ɔ nyunlu la, ɔmaanle bɛzonlenle ye kpalɛ
ƐNƐ MEKƐ YE: Wɔ sunsum nu paladaese ne mɔɔ ɛlɛnyia anyuhɔlɛ la anu, menli mɔɔ bɛ nwo so dahuu la ɛnyia nyilalɛ dɔɔnwo na bɛra ngoane nu wɔ sunsum nu
KENLE BIE: Menli dɔɔnwo mɔɔ bɛbadwazo bɛ la baraboka menli mɔɔ banyia bɛ ti wɔ Amagɛdɔn ne anu la anwo, na Gyihova bayila bɛ muala kpole
Mbaka Mɔɔ Maa Aleɛ Na Bɛfa Bɛyɛ Ayile
TETE NE: Gyihova maanle ye menli ne sunsum nu aleɛ wɔ bɛ azɛlɛ fofolɛ ne azo; eza ɔyɛle bɛ ayile wɔ sunsum nu ewule nwo
ƐNƐ MEKƐ YE: Sunsum nu aleɛ dɔɔnwo ne ɛlɛboa menli yeamaa bɛahɔ zo bɛali nɔhalɛ, bɛahwe bɛ nwo bɛavi ɛtane mgbole nwo na bɛakpo subane ɛtane
KENLE BIE: Kelaese nee 144,000 ne baboa alesama mɔɔ yɛ tieyɛ la, amaa bɛali munli na bɛanyia kpɔkɛdelɛ nee anwosesebɛ dahuu!