NGILEHILELƐ ƐLƐKA 10B
“Mbowule Welera,” “Alasevolɛ Nwiɔ” Bɛlɛ Abusuabɔlɛ Ɔ?
NGAPEZO nwiɔ mɔɔ lɛ abusuabɔlɛ la rale nu wɔ 1919: ko fale “mbowule welera” bie anwo yɛɛ ko ne noko fale “alasevolɛ nwiɔ” bie anwo. “Mbowule welera” ne anwo ɛnyelɛzodeɛnwunlɛ ne le ɛvoya dɔɔnwo bie anwo ngapezo. Mekɛ tendenle ɛhye rale awieleɛ wɔ mekɛ mɔɔ Nyamenle menli ekpunli kpole bie rale ngoane nu la. (Yiz. 37:2-4; Yek. 11:1-3, 7-13) “Alasevolɛ nwiɔ” ne anwo ngapezo ne fale mekɛ ezinra bie (mɔɔ ɔrale nu ɔvi 1914 awieleɛ kɔdwu 1919 mɔlebɛbo la) anwo, na ɔrale awieleɛ wɔ mekɛ mɔɔ Nyamenle azonvolɛ ekpunli ekyi bie rale ngoane nu la. Ngapezo nwiɔ ne amuala le sɛkɛlɛneɛ adenle zo ewudwazo, yɛɛ bɛ mu nwiɔ bɛrale nu bieko wɔ yɛ mekɛ ye anu wɔ 1919, mekɛ mɔɔ Gyihova maanle ye azonvolɛ mɔɔ bɛkpokpa bɛ ‘dwazole gyinlanle bɛ gyakɛ azo,’ bɛvile Babelɔn Kpole ne akɛlɛzonlenlɛ nu na bɛboɔboale bɛ nloa wɔ asafo ne mɔɔ bɛvale bɛziele ɛkɛ ne bieko la anu la.—Yiz. 37:10.
Noko ngakyile wɔ kɛzi ngapezo nwiɔ ɛhye mɔ rale nu la anu wɔ adenle titili bie azo. “Mbowule welera” ne anwo ngapezo ne kile kɛ mɔhama mɔɔ bɛkpokpa bɛ la anu amra amuala bɛanyia ngoane. Noko, “alasevolɛ nwiɔ” ne anwo ngapezo ne kile kɛ menli mɔɔ Nyamenle ɛkpokpa bɛ la mɔhama ne anu bie mɔ a bɛanyia ngoane a—bɛdabɛ mɔɔ bɛlile ahyehyɛdeɛ ne anyunlu na bɛkpale bɛ kɛ “akɛlɛ nɔhavo nee badwema” la.—Mat. 24:45; Yek. 11:6.a
“Azɛlɛ Sɛsɛ Ne . . . Mbowule Ngome”—Yiz. 37:1
100 Y.M. ANZI
Ɔvi ɛvoya mɔɔ tɔ zo nwiɔ Y.M., bɛhunle Kilisiene asafo ne anu amra mɔɔ bɛkpokpa bɛ la wɔ sɛkɛlɛneɛ adenle zo, na “mbowule” yile “azɛlɛ sɛsɛ ne”
1919 MƆLEBƐBO
1919: “Mbowule welera” ne rale ngoane nu wɔ mekɛ mɔɔ Gyihova maanle menli mɔɔ bɛkpokpa bɛ la kɔsɔɔti vile Babelɔn Kpole ne anu na bɛboɔboale bɛ nloa wɔ asafo ne anu la
“Alasevolɛ Nwiɔ”—Yek. 11:3
1914 AWIELEƐ
‘bɛheda ɛrele’ bɛlɛka edwɛkpa
1914: “Alasevolɛ nwiɔ” ne ‘hedale ɛrele’ bɔle edwɛkpa ne nolo ɛvolɛ nsa nee foa. Bɛhunle bɛ wɔ sɛkɛlɛneɛ adenle zo wɔ mekɛ zɔhane awieleɛ
sɛkɛlɛneɛ adenle zo ewule
1919 MƆLEBƐBO
1919: “Alasevolɛ nwiɔ” ne rale ngoane nu wɔ mekɛ mɔɔ bɛkpale mediema mɔɔ bɛkpokpa bɛ la ekpunli ekyi ne mɔɔ ɛnee li ahyehyɛdeɛ ne anyunlu kɛ “akɛlɛ nɔhavo nee badwema” la
a Nea Ɛzinzalɛ Arane, March 2016, “Kpuya Mɔɔ Vi Kengavolɛma Ɛkɛ.”