NGILEHILELƐ ƐLƐKA 21A
“Azɛlɛ Mɔɔ Ɔwɔ Kɛ Bɛpɛ Bɛto Ɛkɛ Ne Bɛyɛ Ndoboa La”
Bɛmaa yɛli Yizikeɛle anzi wɔ mekɛ mɔɔ ɔlɛnea azɛlɛ ne ɛleka mɔɔ Gyihova ɛpɛ ɛdo ɛkɛ ne la. Bɛhyɛ nuhua nnu. Bɛmɛ a le boni mɔ? Na duzu a bɛbava bɛayɛ a?
A. ‘Ndoboa Ne’
Ɔle azɛlɛ mɔɔ arane ne anu menli a bɛadɛnla zo a.
B. “Ndoboa Ne Amuala”
Bɛpɛ bɛdo ɛkɛ bɛmaa ɛsɔfoma, Livaema nee suakpole ne. Bieko, mbusua 12 ne anu amra amuala kɔ ɛkɛ ne kɔsonle Gyihova na bɛboa ngyehyɛleɛ mɔɔ mgbanyima ne mɔ ɛyɛ la.
D. “Kpanyinli Ne Azɛlɛ”
“Azɛlɛ ɛhye bayɛ ye agyapadeɛ wɔ Yizilayɛ.”
“Ɔbayɛ kpanyinli ne ɛdeɛ.”
Ɛ. “Ndoboa Nwuanzanwuanza Ne”
Eza bɛfɛlɛ ɛleka ɛhye “ɛleka nwuanzanwuanza.” Sɔlɔ afoa nu le “Livaema” ɛdeɛ. Ɔle “debie nwuanzanwuanza.” Avinli ne “bayɛ ndoboa nwuanzanwuanza amaa ɛsɔfoma ne.” Ɔbayɛ “ɛleka mɔɔ bɛbasisi bɛ azua nee ɛleka nwuanzanwuanza yeamaa ɛzonlenlɛsua ne.”
E. “Azɛlɛ Mɔɔ Baha”
“Ɔbayɛ Yizilayɛma amuala ɛdeɛ,” ɔbayɛ “ɛleka mɔɔ awie biala bahola adɛnla ɛkɛ wɔ suakpole ne anwo, bɛbasisi azua wɔ ɛkɛ na yeayɛ adidileka.”