Duzu Ati A Gyihova Alasevolɛ Ɛnva Meanubaka Ɛnli Gyima Wɔ Bɛ Ɛzonlenlɛ Nu A?

Wɔ aleɛabo amuala, menli dɔɔnwo bu meanubaka ne kɛ ɔle Keleseɛnema ɛzonlenlɛ ne sɛkɛlɛneɛ. Gyihova Alasevolɛ le Keleseɛnema ɛdeɛ, noko yɛnva meanubaka ne yɛnli gyima wɔ yɛ ɛzonlenlɛ nu. Duzu ati ɔ?

Bodane ko a le kɛ Baebolo ne kile kɛ Gyisɛse anwu meanubaka zo, emomu baka zo. Eza Baebolo ne bɔ Keleseɛnema kɔkɔ kɛ “bɛhwe bɛ nwo bɛvi awozonle ɛzonlenlɛ nwo,” ɛhye kile kɛ ɔnle kɛ bɛfa meanubaka bɛdi gyima wɔ ɛzonlenlɛ nu​—1 Kɔlentema 10:14; 1 Dwɔn 5:​21.

Yɛ ye nzonlɛ kɛ Gyisɛse hanle kɛ: “Saa bɛkulo bɛ nwo ngoko ngoko a yɛɛ awie biala kɛnwu kɛ bɛle me ɛdoavolɛma a.” (Dwɔn 13:34, 35) Yemɔti Gyisɛse hilele kɛ tunwomaa ɛlɔlɛ​—tɛ meanubaka ne anzɛɛ sɛkɛlɛneɛ fofolɛ bie—yɛɛ bamaa bɛanwu ye nɔhalɛ ɛdoavolɛma a.