Duzu Ati A Gyihova Alasevolɛ Kɔ Azua Nu A?

Gyisɛse zele ye ɛdoavolɛma ne kɛ “bɛhɔ maanle ti nee maanle bo, bɛmaa menli ɛrayɛ me ɛdoavolɛma.” (Mateyu 28:19, 20) Gyisɛse zoanle ye ɛdoavolɛma ne la, ɔhanle kɛ bɛhɔ menli ne azua nu. (Mateyu 10:7, 11-13) Gyisɛse wule la anzi, ɛvoya mɔɔ lumua la anu Keleseɛnema ne hanle edwɛkɛ ne hilele menli wɔ “bagua nu nee bɛ azua nu.” (Gyima ne 5:42; 20:20) Yɛdi Keleseɛnema mɔɔ lumua la neazo ne anzi na yɛnwu kɛ azua nu mɔɔ yɛkɔ la le adenle kpalɛ mɔɔ bɛdua zo bɛka edwɛkɛ ne bɛkile menli a.