YƐ KILISIENE ƐBƐLABƆLƐ

Boa Bɛdabɛ Mɔɔ Bɛngulo Nyamenle Ɛzonlenlɛ La Maa Bɛnwu Bɛ Bɔvolɛ Ne

Ɔyɛ a ɛngulo kɛ ɛbali menli mɔɔ bɛngulo Nyamenle ɛzonlenlɛ la daselɛ, ɔluakɛ ɛsuzu kɛ bɛnrɛdie wɔ la ati ɔ? Saa ɔle zɔ a kakye kɛ menli dɔɔnwo mɔɔ ɛnee bɛngulo Nyamenle ɛzonlenlɛ mɔɔ menli mɔɔ bɛnlie Nyamenle bɛnli bɔbɔ boka nwo la ɛrayɛ Gyihova Alasevolɛ. Fane dɔɔnwo ne ala mɔɔ bɛhyia nwo la a le kɛ ɛbaboa bɛ wɔamaa bɛanwu daselɛ ekyi mɔɔ kile kɛ Nyamenle wɔ ɛkɛ ne la.—Wlo 1:20; 10:14.

NEA KAKYE—MENLI MƆƆ ƐNLƐ DIEDI LA BAHOLA ANYIA BIE!—MENLI MƆƆ BƐNGULO NYAMENLE ƐZONLENLƐ VIDIO NE, NA BUA KPUYA ƐHYE:

Kɛzi Tommaso anwubielɛ ne ɛmaa wɔnyia anwosesebɛ kɛ ɛbali menli mɔɔ bɛngulo Nyamenle ɛzonlenlɛ la daselɛ ɛ?

Wɔ mualɛ

Kɛzi ɛbayɛ ye la

Saa awie ka kɛ ɔnlie ɔnli kɛ Nyamenle wɔ ɛkɛ a, da atiakunlukɛnlɛma ali kile ye, na dua nrɛlɛbɛ adenle zo nwu deɛmɔti ɔsuzu zɔ anzɛɛ ɔte nganeɛ zɔhane la. (2Ti 2:24) Ɛ nee ye ɛzuzu edwɛkɛtile mɔɔ ɔ nye balie nwo la anwo. Asoo ɔ nye balie nwo kɛ ɛ nee ye bazuzu daselɛ mɔɔ ɛboa menli dɔɔnwo yemaa bɛnyia Bɔvolɛ ne anu diedi la anwo ɔ? Saa ɔ nye die nwo a, fa yɛ mbuluku nee vidio ngakyile mɔɔ bɛziezie kɛ bɛfa bɛali bodane zɔhane anwo gyima la boa ye. Bɛva Was Life Created? yɛɛ The Origin of Life—Five Questions Worth Asking brohyua ne mɔ bɛboka Ninyɛne Titili Mɔɔ Yɛfa Yɛkilehile la anwo amaa yɛkpondɛ a yeanyɛ se.

Bie a mɔlebɛbo ne, ɔbayɛ se yeamaa wɔ kɛ ɛbali awie mɔɔ ɔnlie ɔnli kɛ Nyamenle wɔ ɛkɛ la daselɛ. Duzu ati a ɛmkpondɛ moalɛ ɛnvi nolobɔlɛnli mɔɔ bɔ mɔdenle la ɛkɛ a? Eza kakye kɛ, Gyihova kola boa yɛ maa yɛ edwɛkɛ ka menli mɔɔ bɛ subane kile kɛ bɛfɛta dahuu ngoane la ahonle—saa bɔbɔ mɔlebɛbo ne ɛnee bɛnlie bɛnli kɛ ɔwɔ ɛkɛ a.—Gyi 13:48.