Ɛbahola Wɔaboa Wɔamaa Wɔ Abusua Ne Anye Alie Kpalɛ

Gyihova kulo kɛ mbusua nye die. (Ed 127:3-5; No 9:9; 11:9) Noko akee, ewiade ne anu ngyegyelɛ yɛɛ abusua ne anu amra nvonleɛ kola sɛkye yɛ anyelielɛ. Duzu a abusua ne anu sonla ko biala bahola ayɛ amaa anyelielɛ ara abusua ne anu a?

Ɔwɔ kɛ kunli di ɔ ye eni. (1Pi 3:7) Ɔwɔ kɛ ɔnyia mekɛ ɔmaa ye. Ɔnle kɛ ɔkpondɛ ninyɛne mɔɔ bo ɔ ye anwo zo la ɔfi ye ɛkɛ yɛɛ ɔwɔ kɛ ɔda ye ali kɛ ɔ nye sɔ mɔɔ ɔyɛ ɔmaa ye nee abusua ne la. (Kɔl 3:15) Ɔwɔ kɛ ɔka ɔkile ye kɛ ɔkulo ye na ɔkanvo ye.​—Mrɛ 31:28, 31.

Ɔwɔ kɛ yelɛ kpondɛ ndenle dua zo boa ɔ hu. (Mrɛ 31:12) Ɔwɔ kɛ ɔbɛlɛ ɔ nwo aze ɔmaa ye na ɔ nee ye yɛ adwenle wɔ ninyɛne nwo. (Kɔl 3:18) Ɔwɔ kɛ ɔfi ɛbulɛ nu ɔtendɛ ɔkile ye yɛɛ ɔka ɔ nwo edwɛkɛ kpalɛ.​—Mrɛ 31:26.

Ɔwɔ kɛ awovolɛ nyia mekɛ maa bɛ mra. (Di 6:6, 7) Ɔwɔ kɛ bɛka bɛkile bɛ kɛ bɛkulo bɛ. (Mt 3:17) Yɛɛ saa bɛlɛtwe bɛ nzo a, bɛda nwunu nee ɛlɔlɛ ali.​—Ɛf 6:4.

Ɔwɔ kɛ ngakula di bɛ awovolɛ eni na bɛtie bɛ. (Mrɛ 23:22) Ɔwɔ kɛ bɛmaa bɛ awovolɛ nwu bɛ nzuzulɛ nee bɛ nganeɛdelɛ. Yɛɛ saa bɛ awovolɛ tenrɛ bɛ a, ɔwɔ kɛ bɛdie bɛto nu na bɛda ye ali kɛ bɛbu bɛ.​—Mrɛ 19:20.

NEA BƐMAA BƐ ABUSUA NE ƐLI FƐLƐKO VIDIO NE NA BUA KPUYA ƐHYE:

Duzu a abusua ne anu sonla ko biala yɛle maanle anyelielɛ rale abusua ne anu a?