NYAMENLE EDWƐKƐ NE AZO NVASOƐ

‘Ɔbala Me Ahonle Nwo Dahuu’

Gyihova yele ɛzonlenlɛsua ne maanle ɔ nwo (2Ek 7:11, 12)

Ɛnee ɛzonlenlɛsua ne la Gyihova ahonle nwo dahuu kile kɛ, ɔmaanle ɔ nye hɔle debie biala mɔɔ bɛyɛle ye wɔ ɛkɛ ne wɔ ye duma nu la anwo (2Ek 7:16; mwbr23.03 3 ¶4)

Saa menli ne anva “bɛ ahonle muala” anzonle Gyihova a, ɔbamaa bɛazɛkye ɛzonlenlɛsua ne (2Ek 6:14; 7:19-21; mwbr23.03 4 ¶1)

Nvoninli: Ɛzonlenlɛ afoa ngakyile. 1. Adiema nrenyia bie ɛlɛyɛ asɔne. 2. Adiema raalɛ bie ɛlɛmaa mualɛ wɔ debiezukoalɛ bo. 3. Agyalɛma bie ɛlɛyɛ daselɛlilɛ gyima ne. 4. Adiema nrenyia bie ɛlɛsiezie Belemgbunlililɛ Asalo. 5. Adiema nrenyia bie nee ye abusua ne ɛlɛyɛ abusua ɛzonlenlɛ. 6. Adiema raalɛ bie ɛlɛkenga Baebolo. 7. Adiema raalɛ bie ɛlɛye ndoboa.

Wɔ mekɛ mɔɔ bɛyila ɛzonlenlɛsua ne azo la, ɛnee menli ne dwenle kɛ bɛbamaa Gyihova ɛzonlenlɛ nwo ahyia bɛ adɛla debie biala. Noko ɔyɛ alɔbɔlɛ kɛ mekɛ guale nu la, mɔdenlebɔlɛ mɔɔ ɛnee bɛfa bɛsonle Gyihova la hanle aze.

BIZA Ɛ NWO KƐ, ‘Kɛzi melɛda ye ali kɛ Gyihova ɛzonlenlɛ nwo hyia me kpalɛ ɛ?’