NYAMENLE EDWƐKƐ NE AZO NVASOƐ

Kpa Awie Mɔɔ Ɛbagya Ye La Nrɛlɛbɛ Nu

Sɔlɔmɔn gyale mraalɛ mɔɔ ɛnee bɛsonle awozonle la, yeanzi kpɔkɛ mɔɔ nrɛlɛbɛ wɔ nu (1Ar 11:1, 2; w18.07 18 ¶7)

Sɔlɔmɔn aye mɔ yɛle ye ngyikyi ngyikyi hwenle ye vile Gyihova anwo (1Ar 11:3-6; w19.01 15 ¶6)

Gyihova vale Sɔlɔmɔn anwo ɛya (1Ar 11:9, 10; w18.07 19 ¶9)

Nvoninli: Adiema raalɛ bie mɔɔ ɔtɛgyale la ɛlɛdwenledwenle adiema nrenyia bie mɔɔ ɔtɛgyale la anwo wɔ mekɛ mɔɔ ɔlɛyɛ bɛtianwo Baebolo ɛzukoalɛ la. 1. Adiema nrenyia ne ɛlɛmaa mualɛ wɔ debiezukoalɛ bo. 2. Ɔlɛyɛ bagua nu daselɛlilɛ. 3. Ɔlɛboa yeamaa bɛaziezie Belemgbunlililɛ Asalo.

Baebolo ne tu mbelazinli mɔɔ bɛkulo kɛ bɛgya la folɛ kɛ bɛgya “Awulae anu ala.” (1Kɔ 7:39) Saa awie sɔne a yemɔ ɛngile kɛ ɔbayɛ agyalɛ bokavolɛ mɔɔ fɛta a. Asoo ahenle bahola aboa wɔ yeamaa wɔava wɔ ahonle kɔsɔɔti wɔazonle Gyihova? Asoo ahenle ɛva mekɛ tendenle ɛhile kɛ ɔkulo Gyihova kpole kpalɛ ɔ? Kolaa na wɔalie wɔado nu kɛ ɛbagya ahenle la, nyia mekɛ nwu ye kpalɛ.