“Ɛlɔlɛ . . . Ɔmmemaa Ɔ Nwo Zo”

Ɛlɔlɛ maa yɛbɛlɛ yɛ nwo aze. (1Kɔ 13:4) Saa yɛkulo yɛ mediema a, yɛnrɛbu yɛ nwo kɛ yɛle kpalɛ yɛtɛla bɛ. Yɛbanwu ninyɛne mgbalɛ mɔɔ bɛkola bɛyɛ la na yɛava yɛ ahyɛlɛdeɛ ne mɔ yɛaboa bɛ. (Fe 2:3, 4) Saa yɛkɔ zo yɛda ɛlɔlɛ zɛhae ali a, Gyihova noko bava yɛ ali gyima dahuu.

NEA KAKYE KƐZI ƐLƆLƐ DE LA​—ƆMMEMAA Ɔ NWO ZO VIDIO NE NA BUA KPUYA ƐHYE MƆ:

• Ahyɛlɛdeɛ boni a ɛnee Abesalɛm lɛ a?

• Adenle boni azo a yeanva ye ahyɛlɛdeɛ ne yeanli gyima kpalɛ a?

• Kɛ ɔkɛyɛ na yɛahoati anwomemaazo ɛ?​—Ga 5:26