Fa Ninyɛne Mɔɔ Ɛlɛsisi Kenlensa Ye La Di Daselɛ

Gyisɛse vale ninyɛne mɔɔ sisile wɔ ye mekɛ zo la hilehilele ɛzukoalɛdeɛ ngakyile wɔ ye daselɛlilɛ gyima ne anu. (Lu 13:1-5) Ɛdawɔ noko ɛbahola wɔava ninyɛne mɔɔ ɛlɛsisi kenlensa ye la wɔaboa menli wɔamaa bɛ nye alie Belemgbunlililɛ edwɛkɛ ne anwo. Saa ɛtwe adwenle ɛkɔ ninyɛne awolɛ mɔɔ ɛlɛyɛ se, esiane, basabasayɛlɛ, nyiletane ɛnlonlɛ nee ninyɛne mɔɔ ɔle kɛ ɛhye mɔ la azo ɛwie a, ɛbahola wɔabiza kpuya mɔɔ ɔmaa bɛdwenle la, le kɛ: “Ɛnea a ninyɛne ɛhye mɔ bara awieleɛ kenle bie ɔ?” anzɛɛ “Ɛsuzu kɛ yɛbanyia ngyegyelɛ ɛhye mɔ anloa sɔbelɛ ɔ?” Akee kenga ngɛlɛlera mɔɔ fale edwɛkɛtile ne anwo la kile ye. Saa ɔkile nwolɛ anyelielɛ a, ka yɛ vidio ne mɔ ko anzɛɛ mbuluku mɔɔ wɔ Ninyɛne Titili Mɔɔ Yɛfa Yɛkilehile anu la bie anwo edwɛkɛ kile ye. Ɔlua edwɛkpa ne ati, bɛmaa yɛbɔ mɔdenle yɛyɛ biala mɔɔ yɛbahola la yɛdwu menli mɔɔ wɔ yɛ azɛlɛsinli ne anu la ahonle nu.​—1Kɔ 9:22, 23.

Edwɛkɛtile boni a wɔ azɛlɛsinli ne anu amra anye balie nwo a?