Mɔɔ Yɛsukoa Yɛfi Samoɛle Ɛbɛlabɔlɛ Nu La

Samoɛle lile nɔhalɛ maanle Gyihova wɔ ye ngoane mekɛ kɔsɔɔti anu. Mɔɔ ɔle kakula la, yeanzukoa Yilae amra, Hɔfenae nee Fenɛhaze subane ɛtane ne. (1Sa 2:22-26) Samoɛle hɔle zo nyinle na ɛnee Gyihova nee ye lua. (1Sa 3:19) Mɔɔ ɔyɛle kpanyinli la ɔhɔle zo ɔvale nɔhalɛlilɛ ɔzonlenle Gyihova ɔnva nwo kɛ ɔ mra ne mɔ anyɛ zɔ la.​—1Sa 8:1-5.

Duzu a yɛbahola yɛazukoa yɛavi Samoɛle neazo ne anu a? Saa ɛle kakula a, nyia anwodozo kɛ Gyihova nwu ngyegyelɛ mɔɔ ɛlɛyia la yɛɛ ɔte wɔ nganeɛdelɛ bo. Ɔbahola yeamaa wɔ akɛnrasesebɛ. (Ay 41:10, 13) Saa ɛle wovolɛ na ɛ ra ɛvi Gyihova sua nu a, kakye kɛ Samoɛle antinlitinli ɔ mra ne mɔ anwo zo yeammaa bɛanva Gyihova ngyinlazo ne mɔ bɛanyɛ gyima. Ɔgyakyile debie biala ɔmaanle Gyihova na ɔhɔle zo ɔlile nɔhalɛ ɔyɛle mɔɔ ɔsɔ ye anwuma Selɛ, Gyihova anye la. Bie a wɔ neazo kpalɛ ne baboa ɛ mra ne mɔ yeamaa bɛazia bɛara Gyihova ɛkɛ.

NEA SUKOA DEBIE FI BƐ ƐKƐ​—SAMOƐLE VIDIO NE NA BUA KPUYA ƐHYE MƆ:

• 

  Kɛzi Samoɛle lale akɛnrasesebɛ ali wɔ mekɛ mɔɔ ɔle kakula la ɛ?

• 

  Kɛzi Danny lale akɛnrasesebɛ ali ɛ?

• 

  Kɛzi Samoɛle yɛle neazo kpalɛ wɔ mekɛ mɔɔ ɛnee yeyɛ kpanyinli la ɛ?

• 

  Kɛzi Danny awovolɛ yɛle neazo kpalɛ ɛ?