Fa Gyihova Sie Ɛ Nyunlu Dahuu

Saa yɛnnyia gyima yɛnyɛ a, ɔnla aze kɛ yɛbalimoa yɛakpondɛ Nyamenle Belemgbunlililɛ ne nee ye tenleneyɛlɛ ne. Ɔbahola yeamaa yɛalie gyima biala mɔɔ ɔnrɛmaa yɛnrɛnyia adenle yɛnrɛzonle Gyihova anzɛɛ ɔbamaa yɛabulu Baebolo ngyinlazo zo la yɛado nu. Noko akee, yɛze kɛ Gyihova fa ye anwosesebɛ ne boa “menli mɔɔ bɛ ahonle di munli wɔ ɔ nwo la.” (2Ek 16:9) Debie biala ɛnrɛhola ɛnrɛzi yɛ ɛlɔlɛ Selɛ ne adenle kɛ ɔbaboa yɛ na yeava yɛ ngyianlɛdeɛ yeamaa yɛ. (Wlo 8:32) Ɛhye ati, saa yɛlɛsi gyima mɔɔ yɛbayɛ la anwo kpɔkɛ a, ɔwɔ kɛ yɛnyia Gyihova anu anwodozo na yɛfa yɛ adwenle yɛsie ye ɛzonlenlɛ zo.—Ed 16:8.

NEA FI ƐKƐLA MUALA ANU SONLE GYIHOVA VIDIO NE NA BUA KPUYA ƐHYE MƆ:

• 

  Duzu ati a Jason kpole kɛ ɔnrɛlie belaebo a?

• 

  Kɛzi Kɔlɔsaema 3:23 baboa yɛ ɛ?

• 

  Kɛzi Jason neazo kɛnlɛma ne boale Thomas ɛ?

• 

  Kɛzi Mateyu 6:22 baboa yɛ ɛ?