Nea Boɛ Na Wɔansalo Edwɛkɛ Mɔɔ Ɛnle Nɔhalɛ La

Ɛnɛ, menli kola dua edwɛkɛ mɔɔ bɛpelente, riledio, tɛlevihyɛne nee yintanɛte zo fa edwɛkɛ nwa menli mgbe dɔɔnwo wɔ mekɛ ekyi bie anu. Bɛdabɛ mɔɔ bɛsonle ‘Nyamenle ne mɔɔ ka nɔhalɛ la’ ɛngulo kɛ bɛkɛva adalɛ edwɛkɛ bɛkɛnwa, mɔɔ tɛ bɛ nye fuu bɔbɔ la. (Ed 31:5; Ɛzɛ 23:1) Adalɛ edwɛkɛ mɔɔ bɛka bɛkile awie mɔ anzɛɛ bɛfa bɛnwa bɛ la kola boda bɛ. Saa ɛkulo kɛ ɛnwu kɛ edwɛkɛ bie le nɔhalɛ a, biza ɛ nwo kpuya ɛhye mɔ:

• ‘Asoo mebahola meava me nwo meado ɛleka mɔɔ ɔvi la azo ɔ?’ Bie a, ahenle mɔɔ ɛlɛka edwɛkɛ ne la ɛnze ɔ muala. Edwɛkɛ mɔɔ kpɔsa menli nwo zo la kola kakyi, ɔti saa ɛnze ɛleka fɔɔnwo mɔɔ ɔvi la a, ɛnee ɔwɔ kɛ ɛnea boɛ. Kɛmɔ bɛkola bɛfa bɛ nwo bɛto mediema mɔɔ lɛ ɛzonlelilɛ wɔ asafo ne anu edwɛkɛ zo la ati, ɔwɔ kɛ bɛnea boɛ na bɛanva edwɛkɛ mɔɔ ɛnle nɔhalɛ la bɛansalo

• ‘Asoo ɔkola ɔsɛkye awie mɔ aluma ɔ?’ Saa ɔle edwɛkɛ mɔɔ ɔbazɛkye awie anzɛɛ ekpunli bie duma a, ɛnee ɔnle kɛ yɛfa yɛsalo.​—Mrɛ 18:8; Fe 4:8

• ‘Asoo ndelebɛbo wɔ nu?’ Nea boɛ wɔ edwɛkɛ nee anwubielɛ mɔɔ twehwe adwenle mɔɔ awie biala ka bie la anwo

NEA KƐ ƆKƐYƐ NA MEAGYAKYI NDƐNEYELƐ Ɛ? VIDIO NE NA BUA KPUYA ƐHYE MƆ:

• 

  Kɛ mɔɔ Mrɛlɛbulɛ 12:18 kile la, kɛzi yɛ edwɛkɛ kola boda awie mɔ ɛ?

• 

  Kɛzi Felepaema 2:4 boa yɛ maa yɛsi kpɔkɛ kpalɛ wɔ mekɛ mɔɔ yɛlɛka awie mɔ anwo edwɛkɛ la ɛ?

• 

  Saa adawubɔlɛ bie kakyi ndɛneyelɛ a, duzu a ɔwɔ kɛ ɛyɛ a?

• 

  Kolaa na wɔabɔ ɔ bo kɛ ɛka awie mɔ anwo edwɛkɛ la, kpuya boni mɔ a ɔwɔ kɛ ɛbiza ɛ nwo a?