Gyihova Kulo Menli Mɔɔ Le Bɔkɔbɔkɔ La

“Wowo ɛ sa anwo. Siezie wɔ sua ne anu. Kpoa ɛke. Kɔgua ewula ne lɔ.” Awovolɛ dɔɔnwo kilehile bɛ mra kɛzi bɛbayɛ bɛ nwo bɔkɔbɔkɔ wɔ nwonane nu la. Noko akee, ngyinlazo mɔɔ kile kɛ ɔwɔ kɛ yɛyɛ bɔkɔbɔkɔ la vi yɛ Nyamenle ne mɔɔ le nwuanzanwuanza la ɛkɛ. (Ad 30:18-20; Mɛl 23:14; 2Kɔ 7:1) Saa yɛyɛ yɛ nwo nee yɛ ninyɛne bɔkɔbɔkɔ a, yɛdi Gyihova eni. (1Pi 1:14-16) Na yɛ azua nu yɛɛ yɛ alienwo ɛkɛ ne noko ɛ? Yɛnle kɛ menli mɔɔ toto ewula gua kale adenle nu nee ɛleka gyɛne la, Kilisienema bɔ mɔdenle di azɛlɛ ne azo eni. (Ed 115:16; Ye 11:18) Ninyɛne ngyikyi le kɛ tɔfe abonle, pure water wolɔba yɛɛ kyingam (chewing gum) mɔɔ bɛgugua ye biala la kile subane mɔɔ yɛlɛ ye wɔ bɔkɔbɔkɔyɛlɛ nwo la. Wɔ yɛ ɛbɛlabɔlɛ afoa kɔsɔɔti anu, yɛkulo kɛ “yɛda yɛ nwo ali kɛ Nyamenle azonvolɛ.”​—2Kɔ 6:3, 4.

NEA NYAMENLE KULO MENLI MƆƆ LE BƆKƆBƆKƆ LA VIDIO NE NA BUA KPUYA ƐHYE MƆ:

• Duzu a bie mɔ fa yeye bɛ nloa wɔ bɛ ninyɛne mɔɔ bɛnli ye eni la anwo a?

• Kɛzi Mosisi Mɛla ne maa yɛnwu Gyihova adwenle wɔ bɔkɔbɔkɔyɛlɛ nwo ɛ?

• Kɛ ɔkɛyɛ na yɛali Gyihova anwo daselɛ wɔ mekɛ mɔɔ yɛndendɛ bɔbɔ la ɛ?