Moalɛ Gyima Ne

8:1-4; 9:7

Kilisienema ɛzonlenlɛ gyima ne le afoa nwiɔ, ko a le “mgbɔdalɛ ɛzonlenlɛ gyima” anzɛɛ daselɛlilɛ nee ngilehilelɛ gyima ne yɛɛ “moalɛ gyima” mɔɔ yɛyɛ yɛboa yɛ mediema diedima la. (2Kɔ 5:18-20; 8:4) Yemɔti Kilisienema mɔɔ bɛhyia mɔɔ yɛboa bɛ la boka yɛ ɛzonlenlɛ nwuanzanwuanza ne anwo. Saa yɛyɛ zɔ a, ɔbamaa

• yɛava ninyɛne mɔɔ yɛ mediema hyia nwo la yɛamaa bɛ.​—2Kɔ 9:12a

• yɛaboa menli mɔɔ ɛlɛnwu amaneɛ la amaa bɛahola bɛayɛ sunsum nu ninyɛne bieko, le kɛ daselɛlilɛ gyima ne mɔɔ bɛbayɛ ye ɛsesebɛ bɛava bɛahile anyezɔlɛ bɛamaa mɔɔ Gyihova ɛyɛ ɛmaa bɛ la.​—2Kɔ 9:12b

• yɛawula Gyihova anyunlunyia. (2Kɔ 9:13) Esiane mekɛ nu moalɛ gyima ne le daselɛlilɛ maa awie biala. Ɔdi menli bɔbɔ mɔɔ bɛnlɛ Gyihova Alasevolɛ anwo adwenle kpalɛ la daselɛ