Hwiiti Nee Ndile Nwo Ɛrɛlɛ Ne

Gyisɛse vale hwiiti nee ndile nwo ɛrɛlɛ ne totole mekɛ nee kɛzi ɔbaye Kilisienema mɔɔ bɛkpokpa bɛ mɔɔ le kɛ hwiiti yeavi alesama anu la anwo. Ɛhye bɔle ɔ bo wɔ ɛvolɛ 33 Y.M.

13:24

‘Nrenyia bie luale ma kpalɛ wɔ ye ɛya nu’

• Nrenyia Ne Mɔɔ Luale La: Gyisɛse Kelaese

• Ma kpalɛ ne ɛlualɛ: Bɛva sunsum nwuanzanwuanza ne bɛkpokpa Gyisɛse ɛdoavolɛ ne mɔ

• Ɛya Ne: Alesama ewiade ne

13:25

‘Mekɛ mɔɔ ɛnee menli ɛdeda la, ye kpɔvolɛ raluale ndile wɔ nu’

• Kpɔvolɛ: Abɔnsam

• Mɔɔ menli ɛdeda la: Ɛzoanvolɛma ne ewule

13:30

“Bɛmaa bɛbɔ nu bɛnyi ɔhɔdwu ma ɛdelɛ mekɛ ne”

• Hwiiti: Kilisienema mɔɔ bɛkpokpa bɛ la

• Ndile: Adalɛ Kilisienema

“Bɛlimoa bɛdudu ndile ne . . . ; na akee bɛboɔboa hwiiti ne anloa”

• Sonvolɛma/Menli Mɔɔ Bu La: Anwumabɔvolɛma

• Ndile ne ɛdudulɛ: Bɛdele adalɛ Kilisienema bɛvile Kilisienema mɔɔ bɛkpokpa bɛ la anwo

• Bɛboɔboa hwiiti ne anloa bɛgua ɛleka mɔɔ bɛsie ninyɛne la: Bɛboɔboale Kilisienema mɔɔ bɛkpokpa bɛ la anloa wɔ asafo ne mɔɔ bɛvale bɛziele ɛkɛ bieko la anu

Mɔɔ ma ɛdelɛ ne bɔle ɔ bo la, duzu a maanle nɔhalɛ Kilisienema yɛle ngakyile vile adalɛ Kilisienema anwo a?

Kɛzi ndonwo ɛhye mɔɔ mebade ɔ bo la baboa medame mumua ne ɛ?