Ɛlɛfa JW.ORG Ngitanwolilɛ Kaade Ne Wɔali Gyima Ɔ?

Yɛ edwɛkɛhanlɛ gyima ne hyia ndɛndɛ, ɔluakɛ yɛnwu kɛ anwongyelelɛ kpole ne ɛlɛbikye. (Mrɛ 24:11, 12, 20) Amaa yɛaboa menli la, yɛbahola yɛalua ngitanwolilɛ kaade ɛhye azo yɛahwe menli adwenle yɛahɔ Nyamenle Edwɛkɛ ne nee yɛ wɛbsaete ne azo. Kaade ne lɛ sɛkɛlɛneɛ mɔɔ fa yɛ kɔ Duzu Ati A Ɔwɔ Kɛ Ɛsukoa Baebolo Ne A? video ne nee ɛsalɛdolɛ ɛleka mɔɔ bɛfa bɛkpondɛ edwɛkɛ dɔɔnwo anzɛɛ Baebolo ɛzukoalɛ la. Menli bie mɔ anye ɛnlie yɛ mbuluku ne mɔ anwo noko bɛ nye die kɛ bɛbahɔ yɛ wɛbsaete ne azo. Mmamaa ɛ rɛle fi kɛ ɛbamaa bɛ kaade ɛhye bie. Noko akee, ɔnle kɛ yɛgyakyi kaade ne bie yɛmaa bɛdabɛ mɔɔ bɛ nye ɛnlie nwolɛ la.

Saa yɛwɔ gyima nu a, yɛbahola yɛamaa awie anye alie nwolɛ ɔlua edwɛkɛ ɛhye mɔɔ yɛbaha la: “Melɛ debie mɔɔ mekulo kɛ mefa memaa wɔ a. Kaade ɛhye bava wɔ ahɔ yɛ wɛbsaete ne mɔɔ video nee ninyɛne ngakyile wɔ ɛkɛ mɔɔ ɛndua ɛhwee la azo.” (Dwn 4:7) Kɛmɔ ngitanwolilɛ kaade ne le ngyikyi la ati, yɛbahola yɛava ekyii yɛazia yɛ nwo na yɛava yɛamaa menli mɔɔ yɛkɛyia bɛ la.