Ɛzinzalɛ Arane YINTANƐTE ZO MBULUKUZIELƐLEKA

Ɛzinzalɛ Arane

YINTANƐTE ZO MBULUKUZIELƐLEKA

mwb16 April m. 3
Maa Ɛ Nloa Edwɛkɛ Ɛmaa Awie Mɔ Anwosesebɛ

Yɛ Kilisiene Ɛbɛlabɔlɛ Nee Yɛ Ɛzonlenlɛ—Nyianu Buluku (2016)

mwb16 April m. 3

NYAMENLE EDWƐKƐ NE AZO NVASOƐ | DWOBU 16-20

Maa Ɛ Nloa Edwɛkɛ Ɛmaa Awie Mɔ Anwosesebɛ

Ɔwɔ kɛ folɛtuvo edwɛkɛ maa awie mɔ anwosesebɛ

Ɛnee Dwobu arɛle ɛbɔ na ɔlɛdi nyane, yemɔti ɛnee ɔhyia awie mɔɔ baboa ye na yeamaa ye anwosesebɛ la
Dwobu agɔnwo mɔ nsa ne anga edwɛkɛ biala ankyekye ɔ rɛle. Emomu, bɛdole ye ɛzonle na bɛmaanle ɔlile nyane dɔɔnwo

Beledade anloa edwɛkɛ mɔɔ wowɔ la maanle Dwobu lile nyane kpole

Dwobu zunle vɛlɛle Nyamenle kɛ ɔlie ye—ɔmaa ɔwu bɔbɔ
Dwobu vale ɔ nye ziele ewudwazo anyelazo ne azo na ɔhɔle zo ɔlile nɔhalɛ

Ɛlaefaze ɛlɛtendɛ ahile Dwobu yɛɛ Beledade nee Zofaa ɛlɛnea bɛ

MENLI MƆƆ DOLE DWOBU ƐZONLE LA

Ɛlaefaze:

Ɔbayɛ kɛ ɔvi Tima mɔɔ wɔ Yidɔm maanle nu la. Bɛha Tima anwo edwɛkɛ wɔ Gyɛlɛmaya 49:7 kɛ ɛkɛ ne a Yidɔmma nrɛlɛbɛ ne abo vi a
Ɛlaefaze a limoale dendɛle a, ɔbayɛ kɛ ɔdaye a ɔle kpanyinli kpalɛ na ɔle “arɛlekyekyevolɛma” ne anu sonla mɔɔ dendɛle dɔɔnwo a. Ɔdendɛle fane nsa na ɔhyɛle kpalɛ ɔdɛlale mrenyia nwiɔ ne

Ɛzonledolɛ:

Ɔgolole Dwobu anwo wɔ ye nɔhalɛlilɛ ti na ɔhanle kɛ Nyamenle ɛnlie ye azonvolɛ ɛnli (Dwb 4, 5)
Ɔhanle kɛ Dwobu memaa ɔ nwo zo, ɔ ti yɛ se na ɔhilele kɛ Dwobu ɛnzulo Nyamenle (Dwb 15)
Ɔdole Dwobu ɛzonle kɛ ɔle anyebolo nee nzisi na ɔzele kɛ sonla ɛnzɔho ɛhwee wɔ Nyamenle anye zo (Dwb 22)

Beledade:

Ɔvi Hyua maanle nu. Bie a ɔdɛnlanle Yufileti Azule ne anloa
Yemɔ a le awie mɔ tɔ zo nwiɔ mɔɔ ɔdendɛle a. Ye ɛdendɛle nsa ne le ezinra noko ɔwowɔ kpalɛ ɔtɛla Ɛlaefaze ɛdeɛ ne

Ɛzonledolɛ:

Ɔzuzule kɛ Dwobu amra ne mɔ ɛyɛ ɛtane yemɔti esiane ne mɔɔ dole bɛ la fɛta bɛ na ɔhanle kɛ Dwobu mumua ne ɛnzonle Nyamenle (Dwb 8)
Ɔzuzule kɛ Dwobu le ɛtanevolɛ (Dwb 18)
Ɔhanle kɛ sonla nɔhalɛlilɛ le mgbane (Dwb 25)

Zofaa:

Ɔle Neeyamnli, ɔbayɛ kɛ ɔvi Areleebea sɔlɔ adɔleɛ
Ɔdaye a ɔtɔ zo nsa mɔɔ ɔdendɛle a, na ye ɛdendɛlɛ ne yɛ nyane tɛla bɛ kɔsɔɔti. Ɔdendɛle fane nwiɔ ala

Ɛzonledolɛ:

Ɔdole Dwobu ɛzonle kɛ ɔtendɛ somaa na ɔzele ye kɛ ɔgyakyi ye ninyɛndane ne mɔ (Dwb 11)
Ɔzuzule kɛ Dwobu le amumuyɛ na ɔkulo ɛtaneyɛlɛ (Dwb 20)