Dua Nyɛvolɛ Ɛlielɛ Zo Maa Awie Mɔ ‘Ninyɛne Mgbalɛ’ (Mat. 12:35a)

Nɔhalɛ nu, yɛ muala yɛkpondɛ kɛ yɛdua “nyɛvolɛ” ɛlielɛ zo yɛmaa awie mɔ ‘ninyɛne mgbalɛ.’ (Wulo. 12:13) Mgbanyima ne mɔ dumua wɔ ɛhye ɛyɛlɛ nu, bɛmaa tendɛvolɛma fi asafo gyɛne nu bamaa ɛdendɛlɛ. Bɛsonle bɛ ɛyɛvolɛ na eza bɛtua bɛ kale kakɛ ne. Noko bie a kɛmɔ yɛnlɛ ezukoa dɔɔnwo anzɛɛ awie mɔ mɔɔ bɛbara yɛ sua nu la bayɛ yɛ adwenleadwenle la ati, yɛbahwenlehwenle yɛ bo aze kɛ yɛbalie nyɛvolɛ. Saa yɛtie folɛ mɔɔ Gyisɛse dule Maata la a, ɔbahola yeaboa yɛ yeamaa yɛali nganeɛdelɛ zɛhae mɔ azo. (Luku 10:39-42) Ɔzile zolɛ kɛ ‘debie ko mɔɔ hyia’ wɔ nyɛvolɛ ɛlielɛ nu la a le agɔnwolɛvalɛ nee anwosesebɛmanlɛ ne na tɛ aleɛ sosɔɔ anzɛɛ sua mɔɔ bɛziezie nu hyeleenyi la. Saa yɛfa folɛdulɛ ɛhye yɛdi gyima a, yɛbahola yɛamaa awie mɔ ‘ninyɛne mgbalɛ’ yɛamaa ɔ nee mɔɔ bɛha ye wɔ Nyamenle Edwɛkɛ ne anu la ayia.​—3 Dwɔn 5-8.