Young People Ask—What Will I Do With My Life? (Foa 1)
Mekɛ mɔɔ ngakula ɛlɛnyi ayɛ mgbanyinli la, ɔwɔ kɛ bɛsi kpɔkɛ mɔɔ hyia la. Amaa bɛanyia moalɛ la, bɛyɛ video ne mɔɔ se, Young People Ask—What Will I Do With My Life? la. Saa ɛbɔ DVD ne abo a, fa “Play Drama,” na nea kɛ ɛbahola wɔabua kpuyia ne mɔ mɔɔ wɔ ɛdendɛkpunli 2 ne abo la. Ɛwie a, fa “Interviews” wɔ DVD ne azo, na kpa “Looking back,” na akee bɔ mɔdenle bua kpuyia ne mɔ mɔɔ wɔ ɛdendɛkpunli 3 ne la.
Drama: (1) Kɛzi Temɔte edwɛkɛ ne nee Keleseɛne ngakula dɔɔnwo ɛdeɛ le ko ɛnɛ ɛ? (2) Kɛzi bɛgyegyele Andre kɛ ɔbɔ mɔdenle ɔnyia anyuhɔlɛ wɔ ɛnriandilɛ nu ɛ? (3) Duzu a Adiema Fleissig hanle nwolɛ edwɛkɛ hilele Andre (a) wɔ ɔ nwo mɔɔ ɔfa yeamaa Gyihova nee nwɔhoalilɛ la ɛ? (Mat. 6:24) (b) wɔ mɔɔ fa nɔhalɛ anyelielɛ ba la anwo a? (d) wɔ mɔɔ ye efiade kyɛnze ne hakyele ye wɔ nwolɛ la? (ɛ) wɔ menli mɔɔ boka ye nee ɔ ye anwo wɔ nvoninli ne anu anwo la? (e) asoo ɔnlunle ɔ nwo kɛ ye bodane ne amba nu la? (Fel. 3:8) (4) Kɛzi Andre nana buale kpuyia ne mɔɔ ɔbizale kɛ, “Asoo ɔle ɛtane kɛ mebayɛ awie mɔɔ ze nriandi kpalɛ la ɔ?” (Luku 4:5-7) (5) Asoo konim mɔɔ Andre lile la manle ɔ kunlu dwole ɔ? (6) Duzu a ɛ nye die nwo wɔ kɛlata mɔɔ Adiema Fleissig hɛlɛle manle Andre kolaa na yeawu la anwo a? (Mrɛ. 10:22) (7) Duzu a Adiema Fleissig boale Andre manle ɔnwunle ye a?
“Looking Back”: (8) Gyima boni a adiema nrenya ne nee raalɛ ne vale ziele bɛ nye zo a, na duzu ati ɔ? (9) Kɛzi ɛnee bɛyɛ deɛ ɛ? (10) Duzu a manle biala hakyile a? (2 Kɔl. 5:15) (11) Teokelase gyima boni mɔ a bɛvale bɛziele dɛba ne agyakɛ anu a, na kɛmɔti a bɛnwunle kɛ bɛnrɛhola bɛnrɛyɛ ɔ mu nwiɔ ɛ? (12) Asoo bɛnlunle bɛ nwo kɛ bɛyɛ nzenzaleɛ wɔ bɛ ɛbɛlabɔlɛ nu la? (13) Edwɛkɛ titile boni a bɛhanle mɔɔ yemaa wɔdwenle kɛzi ɔwɔ kɛ ɛbɔ wɔ ɛbɛla la anwo a?
Yɛsɛlɛ wɔ nea edwɛkɛbizebizalɛ nee edwɛkɛ gyɛne mɔɔ boka nwo la, na siezie ɛ nwo kɛ ɛbaha nwolɛ edwɛkɛ wɔ mekɛ mɔɔ bɛlɛsuzu nwolɛ wɔ Ɛzonlenlɛ Nyianu ne anu dapɛne bieko la.