Kɛzi Nwolɛ De Ɛ?

Ɛhye le kpuyia kpalɛ mɔɔ ɔwɔ kɛ yɛbiza wɔ buluku biala mɔɔ yɛkulo kɛ yɛfa yɛmaa la anwo a. Buluku biala mɔɔ ɔ nloa ne ɛbele ɛdɔ zo, ye kɔla ne ɛhakyi, nwolɛ ɛyɛ evinli anzɛɛ ɛtete la ɛnga yɛ ahyehyɛdeɛ ne anwo edwɛkɛ kpalɛ na bie a ɔnrɛmaa suamenle ne anye ɛnrɛlie ngoanelielɛ edwɛkɛ kɛnlɛma mɔɔ wɔ buluku ne anu la anwo.

Kɛ ɔkɛyɛ na yɛamaa yɛ mbuluku ne mɔ anwo ayɛ kɛnlɛma ɛ? Bie mɔ ɛnwu kɛ bɛfa ninyɛne ko ne ala bɛwula ɛleka ko wɔ bɛ daselɛlilɛ baage ne anu a ɔboa. Kɛ neazo la, bɛlɛ ɛleka mɔɔ bɛfa mbuluku, magazine nee brohyua, yɛɛ ɛleka mɔ bɛfa trate nee ninyɛne gyɛne bɛwula a. Saa bɛlɛfa bɛ Baebolo nee buluku biala bɛawula ɔ bo zo ne a bɛnea ye boɛ amaa yeanzɛkye. Nolobɔlɛma bie mɔ fa bɛ mbuluku wula debie anzɛɛ rɔba nu. Ɔnva nwo kɛzi yɛyɛ ye biala la, yɛngulo kɛ yɛmaa awie buluku mɔɔ nwolɛ ɛnle kpalɛ la na yɛmaa ɔnyia debie ɔgyinla zo ɔka yɛ ɛzonlenlɛ gyima ne anwo edwɛkɛ ɛtane.—2 Kɔl. 6:3.