Duzu A Baebolo Ne Ka A?

Amagɛdɔn a le duzu?

Menli bie mɔ die di . . .

kɛ bɛbava nukelea akodeɛ bɛazɛkye ewiade amuala. Kɛzi ɛdwenle nwo ɛ?

Mɔɔ Baebolo ne ka la

Amagɛdɔn le “Tumivolɛ Bedevinli ne kenle kpole ne anu konle ne” mɔɔ bɛbaho bɛatia amumuyɛma la.​—Yekile 16:14, 16.

Boni bieko a yɛsukoa yɛfi Baebolo ne anu a?

• Nyamenle ɛnrɛva Amagɛdɔn konle ne ɛnrɛzɛkye azɛlɛ ne emomu ɔbava yeazɛkye menli mɔɔ sɛkye ye la.​—Yekile 11:18.

• Amagɛdɔn konle ne bava konle kɔsɔɔti ara awieleɛ.​—Edwɛndolɛ 46:8, 9.

Asoo yɛbahola yɛanyia yɛ ti wɔ Amagɛdɔn konle ne anu ɔ?

Duzu a ɛbaha a?

• Ɛhɛe

• Kyɛkyɛ

• Bie a

Mɔɔ Baebolo ne ka la

“Menli ekpunli kpole” mɔɔ bɛvi maanle maanle kɔsɔɔti anu la bɛanyia bɛ ti wɔ “anwongyelelɛ Kpole” ne mɔɔ bahɔwie Amagɛdɔn la anu. ​—Yekile 7:9, 14.

Boni bieko a yɛsukoa yɛfi Baebolo ne anu a?

• Nyamenle kulo kɛ menli dɔɔnwo nyia bɛ ti wɔ Amagɛdɔn ne anu. Ɛtanevolɛma ɛzɛkyelɛ ne a bali amozii bɔkɔɔ a.—Yizikeɛle 18:32.

• Baebolo ne kilehile kɛzi yɛbanyia yɛ ti wɔ Amagɛdɔn ne anu la anu.​—Zɛfanaya 2:3.