Duzu A Fa Anyelielɛ Ba Abusua Nu A?

MƆƆ BAEBOLO NE KA LA

“Anyelielɛ a le bɛdabɛ mɔɔ bɛtie Nyamenle edwɛkɛ ne na bɛdi zo la!”​—Luku 11:28, Ewiade Fofolɛ Ngilebɛbo.

KƐZI ƆBABOA WƆ LA

Ɔbamaa wɔanyia nɔhalɛ ɛlɔlɛ.​—Ɛfɛsɛsema 5:28, 29.

Ɔbamaa wɔanyia ɛbulɛ kpalɛ.​—Ɛfɛsɛsema 5:33.

Ɔbamaa wɔanyia anwobanebɔlɛ kpalɛ.​—Maake 10:6-9.

ASOO YƐBAHOLA YƐALIE MƆƆ BAEBOLO NE KA LA YƐALI AMGBA?

Ɛhɛe, ɔlua ninyɛne nwiɔ bie ati:

• Nyamenle a hyehyɛle abusua ne a. Baebolo ne ka kɛ “abusua biala . . . nyia ye duma fi” Gyihova Nyamenle ɛkɛ. (Ɛfɛsɛsema 3:14, 15) Ɛhye ati, abusua ne wɔ ɛkɛ ɔluakɛ Gyihova a hyehyɛle a. Duzu ati a ɛhye anwo hyia a?

  Suzu nwolɛ nea: Saa ɛlɛdi aleɛ fɛlɛko bie na ɛkulo kɛ ɛnwu ninyɛne mɔɔ bɛvale bɛdonle la a, nwane a ɛbabiza ye a? Ahenle mɔɔ donle aleɛ ne la a ɛbabiza ye a.

  Zɔhane ala a amaa yɛanwu ninyɛne mɔɔ fa anyelielɛ ba abusua nu la, ɔle kpalɛ kɛ yɛbadie Gyihova mɔɔ hyehyɛle abusua ne la a.​—Gyɛnɛsese 2:18-24.

• Nyamenle dwenle ɛ nwo. Nrɛlɛbɛ wɔ nu kɛ mbusua badie Gyihova folɛdulɛ mɔɔ ɔdua ye Edwɛkɛ ne azo ɔfa ɔmaa la. Duzu ati ɔ? “Ɔluakɛ ɔdwenle bɛ nwo.” (1 Pita 5:6, 7) Gyihova dwenle ɛ nwo kpalɛ​—yɛɛ ye folɛdulɛ boa dahuu!​—Mrɛlɛbulɛ 3:5, 6; Ayezaya 48:17, 18.