FOA 9

Kenlenzu A Paladaese Bara A?

Azɛlɛ ye azo ngyegyelɛ ne kile kɛ ɔnrɛhyɛ Belemgbunlililɛ ne bara. Luku 21:10, 11; 2 Timote 3:1-5

Ngyegyelɛ mɔɔ ɛbu mekɛ mɔɔ li awieleɛ la anu—kyakyadolɛ, konle, ewule ngakyile, ɛhɔne, bɛnrɛdie bɛ awovolɛ, yɛɛ mbusuafoɔ basabasayɛlɛ

Baebolo ne hanle ninyɛne dɔɔnwo mɔɔ ɛlɛsisi ɛnɛ la anwo edwɛkɛ dole ɛkɛ. Ɔhanle kɛ menli bahulo ezukoa, bɛnrɛdie bɛ awovolɛ, bɛ nwo bayɛ ɛzulolɛ, yɛɛ bɛbahulo anyelielɛ.

Azɛlɛkpusulɛ mgbole, konle, ɛhɔne, nee ewule ngakyile bara. Ninyɛne ɛhye mɔ ɛlɛsisi ɛnɛ.

Gyihova Alasevolɛ ne mɔ ko ɛlɛbɔ Belemgbunlililɛ edwɛkpa ne nolo ahile nrenyia bie

Eza Gyisɛse hanle kɛ bɛbabɔ Belemgbunlililɛ ne anwo edwɛkpa ne nolo wɔ azɛlɛ ye azo amuala.—Mateyu 24:14.

Belemgbunlililɛ ne baye amumuyɛyɛlɛ kɔsɔɔti avi ɛkɛ. 2 Pita 3:13

Bɛbazɛkye amumuyɛma wɔ Amagɛdɔn, na akee bɛadua Seetan nee ye sunsum ɛtane ne mɔ kakɛ

Ɔnrɛhyɛ Gyihova bazɛkye amumuyɛma kɔsɔɔti.

Bɛbadua Seetan nee sunsum ɛtane ne mɔ kakɛ.

Gyisɛse de ye belemgbunli ebia nu wɔ anwuma na menli ngakyile ɛlɛdi fɛlɛko

Bɛbalie bɛdabɛ mɔɔ bɛtie Nyamenle la ngoane bahɔ tenlene ewiade fofolɛ ne anu, ɛleka mɔɔ ɛzulolɛ ɛnle ɛkɛ la. Menli mɔɔ wɔ ɛkɛ ne la di nɔhalɛ yɛɛ bɛkulo bɛ nwo ngoko.