Nɔhavoma Di Bɛ Ɛwɔkɛ Zo

Kenga Ndɛnebuavolɛma 11:​30-40 na sukoa kɛzi ɛbali wɔ ɛwɔkɛbɔlɛ zo la anwo debie fi Gyɛfeta nee ɔ ra raalɛ ne ɛkɛ.

Suzu edwɛkɛ mɔɔ ɛnee ɛlɛsisi la anwo. Kɛzi Yizilayɛma mɔɔ bɛdi nɔhalɛ la bule ɛwɔkɛ mɔɔ bɛbɔle Gyihova la ɛ? (Nɔm. 30:2) Kɛzi Gyɛfeta nee ɔ ra raalɛ ne hilele kɛ bɛlɛ Gyihova anu diedi ɛ?—Ndɛ. 11:​9-11, 19-24, 36.

Sukoa dɔɔnwo. Mɔɔ Gyɛfeta ɛlɛbɔ ye ɛwɔkɛ ne la, duzu a ɛnee ɔda ali kɛ ɔwɔ ye adwenle nu a? (w16.04 6 ¶12) Afɔle boni mɔ a Gyɛfeta nee ɔ ra raalɛ ne bɔle amaa yeali ye ɛwɔkɛ ne azo a? (w16.04 6-7 ¶14-16) Ɛwɔkɛ boni mɔ a Kilisienema bahola abɔ ye ɛnɛ a?—w17.04 5-8 ¶10-19.

Kpondɛ ɛzukoalɛdeɛ mɔɔ wɔ nu la. Biza ɛ nwo kɛ:

• ‘Duzu a bahola aboa me yeamaa meahɔ zo meali me nwo zo ɛyilalɛ ɛwɔkɛbɔlɛ ne azo a?’ (w20.03 13 ¶20)

• ‘Afɔle boni mɔ a mebahola meabɔ amaa meahola meazonle Gyihova kpalɛ a?’

• ‘Kɛ ɔkɛyɛ na meamia ɛhulolɛ mɔɔ melɛ kɛ mebali me agyalɛ ndane ne azo la anu ɛ?’ (Mat. 19:​5, 6; Ɛfɛ. 5:​28-33)