YƐ KILISIENE ƐBƐLABƆLƐ
Mboaneneavolɛma Mɔɔ Bɛyɛ Biala Bɛnea Gyihova Menli Ne La
Menli dɔɔnwo ɛnlɛ menli mɔɔ tumi wɔ bɛ sa nu la anwo adwenle kpalɛ. Yɛte deɛmɔti ɔle zɔ la abo. Ɔvi tete ne amuala, menli ɛnva bɛ tumi ne ɛnli gyima wɔ adenle kpalɛ zo. (Mae 7:3) Yɛ nye die kɛ bɛtete asafo nu mgbanyima bɛmaa bɛfa bɛ tumi ne bɛyɛ gyima bɛboa Gyihova menli ne la.—Ɛs 10:3; Mt 20:25, 26.
Mgbanyima ne mɔ le ngakyile bɔkɔɔ fi menli mɔɔ lɛ tumi wɔ ewiade ɛhye anu la anwo. Ɛlɔlɛ mɔɔ bɛlɛ bɛmaa Gyihova nee ye menli ne la a ka bɛ maa bɛyɛ bɛ gyima ne a. (Dwn 21:16; 1Pi 5:1-3) Wɔ Gyisɛse adehilelɛ bo, mboaneneavolɛma ɛhye mɔ maa nolobɔlɛnli ko biala te nganeɛ kɛ ɔboka Gyihova abusua kpole mɔɔ bɛlɛsonle ye la anwo, na bɛboa bɛ bɛmaa bɛbikye Gyihova kpalɛ. Bɛyɛ ye ndɛ bɛfa sunsum nu moalɛ bɛmaa Gyihova mboane ne na bɛboa bɛ wɔ mekɛ mɔɔ bɛ nwo bado bɛ arɛlevilɛ nu anzɛɛ esiane bie kɛzi la. Saa ɛhyia moalɛ a, fi wɔ ahonle nu ɛ nee mgbanyima mɔɔ wɔ wɔ asafo ne anu la bie ɛli adwelie.—Gye 5:14.
NEA MBOANENEAVOLƐMA MƆƆ DWENLE MBOANE NE ANWO VIDIO NE NA BUA KPUYA ƐHYE MƆ:
Kɛzi Mariana nyianle moalɛ mɔɔ mgbanyima ne mɔ fa maa la azo nvasoɛ ɛ?
Kɛzi Elias nyianle moalɛ mɔɔ mgbanyima ne mɔ fa maa la azo nvasoɛ ɛ?
Kɛzi vidio ɛhye maa ɛte nganeɛ wɔ gyima mɔɔ mgbanyima ne mɔ yɛ la anwo ɛ?