YƐ KILISIENE ƐBƐLABƆLƐ
Fa Ɛ Nwo To Gyihova Anwo Zo Wɔ Mekɛ Mɔɔ Bɛlɛbɔ Wɔ Apo La
Apo ɛbɔlɛ kola maa yɛdi nyane na adwenleadwenle tɔ yɛ nwo. Saa bɛdwazo bɛtia yɛ ɛzonlenlɛ na yɛ ahonle tu a ɔbahola yeazɛkye agɔnwolɛvalɛ mɔɔ ɔla yɛ nee Gyihova avinli la. Kɛ ɔkɛyɛ na wɔabɔ ɛ nwo bane wɔavi menli mɔɔ bɔ apo la anwo ɛ?
Nɔhalɛ azonvolɛ dɔɔnwo mɔɔ vale bɛ nwo dole Gyihova anwo zo la ɛhola ɛgyinla apo ɛbɔlɛ nloa. (Ed 18:17) Kɛ neazo la, Ɛseta hanle kpɔkɛ mɔɔ amumuyɛnli Heeman mɔɔ ɛnee ɔbɔ apo la bɔle la anwo edwɛkɛ. (Ɛs 7:1-6) Kolaa na yeayɛ zɔ la, ɔhyele ɛhɔne ɔvale ɔ nwo ɔdole Gyihova anwo zo. (Ɛs 4:14-16) Gyihova yilale mɔɔ ɔyɛle la azo na ɔbɔle ɔ nee ye menli ne anwo bane.
Ngakula, saa awie bɔ bɛ apo a, bɛzɛlɛ Gyihova kɛ ɔboa bɛ, na bɛha bɛ ngyegyelɛ ne anwo edwɛkɛ bɛhile awie mɔɔ ɛnyi wɔ sunsum nu le kɛ bɛ awovolɛ. Bɛbahola bɛanyia anwodozo kɛ Gyihova baboa bɛ kɛ mɔɔ ɔboale Ɛseta la. Duzu bieko a bɛbahola bɛayɛ wɔ mekɛ mɔɔ bɛkɛbɔ bɛ apo la ɛ?
NEA MƆƆ MELE KAKULA LA—KƐ ƆKƐYƐ NA MEAGYINLA NZISI NLOA Ɛ? VIDIO NE NA BUA KPUYA ƐHYE MƆ:
Duzu a ngakula bahola azukoa avi Charlie nee Ferin edwɛkɛ ne anu a?
Amaa awovolɛ aboa bɛ mra bɛamaa bɛagyinla apo ɛbɔlɛ nloa la, duzu a bɛbahola bɛazukoa bɛavi mɔɔ Charlie nee Ferin awovolɛ yɛle la anu a?