YƐ KILISIENE ƐBƐLABƆLƐ
Mia Diedi Mɔɔ Ɛlɛ Ye Wɔ Nyamenle Edwɛkɛ Ne Anu La Anu
Nyamenle Edwɛkɛ ne bahola ahakyi yɛ ɛbɛlabɔlɛ. (Hi 4:12) Noko akee, amaa yɛanyia ye adehilelɛ nee ye folɛdulɛ ne mɔ azo nvasoɛ la, ɔwɔ kɛ yɛdie yɛdi bɔkɔɔ kɛ amgba ɔle “Nyamenle edwɛkɛ.” (1Tɛ 2:13) Kɛ ɔkɛyɛ na yɛamia diedi mɔɔ yɛlɛ ye wɔ Baebolo ne anu la anu ɛ?
Kenga Baebolo ne foa bie alehyenlɛ biala. Saa ɛlɛkenga a, kpondɛ daselɛ mɔɔ ɔkile kɛ Gyihova a le ye kɛlɛvolɛ la. Kɛ neazo la, neɛnlea folɛdulɛ mɔɔ ɔwɔ Mrɛlɛbulɛ buluku ne anu la anu na nea kɛzi nrɛlɛbɛ edwɛkɛ mɔɔ wɔ nu la bahola aboa yɛ ɛnɛ la.—Mrɛ 13:20; 14:30.
Sukoa nwolɛ debie. Sukoa daselɛ mɔɔ kile kɛ amgba bɛvale Nyamenle sunsum ne a bɛhɛlɛle Baebolo ne la anwo debie. Wɔ Gyihova Alasevolɛ Neɛnleanu Buluku ne anu, kɔ edwɛkɛtile “Baebolo Ne” anu na nea “Bɛluale Nyamenle Sunsum Zo” abo. Amaa wɔamia diedi mɔɔ ɛlɛ ye kɛ bɛtɛkakyile Baebolo ne anu edwɛkɛ ne la, kenga edwɛkɛ mɔɔ ɔwɔ Ewiade Fofolɛ Ngilebɛbo Mokanwo A3 ne anu la.
NEA DEƐMƆTI YƐLƐ DIEDI . . . WƆ NYAMENLE EDWƐKƐ NE ANU LA VIDIO NE NA BUA KPUYA ƐHYE MƆ:
Duzu a mɔɔ bɛnwunle ye wɔ ɛzonlenlɛsua bie bane nwo wɔ Karnak mɔɔ ɔwɔ Yigyibiti la maa yɛnwu ye wɔ Nyamenle Edwɛkɛ ne anwo a?
Kɛzi yɛkola yɛnwu ye kɛ Baebolo ne anu edwɛkɛ ne ɛtɛkakyile ɛ?
Kɛzi Baebolo ne mɔɔ ɔtɛbɔ ɛkɛ ne ɛnɛ la maa ɛnwu ye kɛ amgba ɔle Nyamenle Edwɛkɛ ɛ?—Kenga Ayezaya 40:8