Nyia Anyelielɛ Dahuu! Buluku Ne Afoa Ngakyile Mɔɔ Boa

Ɛ nye die vidio nee kpuya ngakyile mɔɔ wɔ Nyia Anyelielɛ Dahuu! buluku ne anu la anwo ɔ? Na foa ne mɔɔ se “Bie Mɔ Ka Kɛ,” “Bodane” yɛɛ “Kpondɛ Dɔɔnwo” ne noko ɛ? Buluku ne afoa boni bieko a wɔnwu kɛ ɔbaboa wɔ yeamaa wɔayɛ Baebolo ɛzukoalɛ kpalɛ a?​—Mt 28:19, 20.

Media: Saa ɛkulo kɛ ɛfa buluku ne mɔɔ bɛpelente la ɛyɛ Baebolo ɛzukoalɛ a, kɛ ɔkɛyɛ na wɔanwu vidio nee ninyɛne gyɛne mɔɔ boka nwo la wɔ ɛleka ko ɛ? Wɔ ɛlɛtɔlɔneke zo ɛdeɛ ne anu, kpa foa nna ne anu ko. Nea ɔ bo nehane na tinli media azo na ɛbanwu vidio nee ninyɛne gyɛne mɔɔ boka nwo la. (Nea nvoninli 1.)

“Printed Edition”: Saa ɛlɛfa ɛlɛtɔlɔneke zo ɛdeɛ ne ɛ nee awie azukoa a, ɛbahola wɔahakyi ye wɔamaa yeayɛ kɛ mɔɔ ɔwɔ buluku ne anu la. Wɔ ɛzukoalɛdeɛ ne anu, tinli dot nsa ne mɔɔ wɔ ɛ sa fema zo anwuma la azo na kpa “Printed Edition.” Kɛzi bɛyɛ ɛhye la boa maa ɛnwu kɛzi edwɛkɛ mɔɔ bɛlɛsuzu nwolɛ la amuala fale edwɛkɛtile ne anwo la. Saa ɛtinli dot nsa ne azo bieko na ɛkpa “Digital Edition” ne a ɔbayɛ kɛ ye dɛba ne la.

“Asoo Meziezie Me Nwo?”: Nlɛka ɛhye mɔɔ wɔ buluku ne awieleɛ la ka ninyɛne mɔɔ saa awie yɛ a, ɔbahola ɔ nee asafo ne abɔ nu ahɔ daselɛlilɛ na yeazɔne la. (Nea nvoninli 2.)

Awieleɛdwɛkɛ: Awieleɛdwɛkɛ ne mɔ kilehile edwɛkɛ bie mɔ mɔɔ nwolɛ hyia kpalɛ la anu. Ɛlɛtɔlɔneke zo ɛdeɛ ne lɛ link wɔ awieleɛdwɛkɛ ne awieleɛ mɔɔ saa ɛtinli zo a ɔbazia yeava wɔ yeahɔ ɛzukoalɛdeɛ ne mɔɔ ɛnee ɛwɔ zolɛ la azo a. (Nea nvoninli 2.)