Asoo Ɛkpondɛ Wɔ Asɔneyɛlɛ Ne Mɔ Anwo Mualɛ Ɔ?

Asɔne dɔɔnwo mɔɔ Gyihova buale la anwo neazo wɔ Baebolo ne anu. Mɔɔ Nyamenle azonvolɛ nwunle kɛ Gyihova diele bɛ asɔneyɛlɛ na ɔboale bɛ la, ɔmaanle bɛ diedi nu yɛle se. Ɛhye ati ɔle kpalɛ kɛ yɛbabiza debie fɔɔnwo wɔ yɛ asɔneyɛlɛ nu na yɛabɔ mɔdenle kɛ yɛbanwu kɛzi Gyihova bua yɛ la. Kakye kɛ mualɛ ne bahola ayɛ ngakyile anzɛɛ ɔbadɛla mɔɔ yɛbizale la. (2Kɔ 12:7-9; Ɛf 3:20) Ndenle mɔɔ Gyihova dua zo bua yɛ asɔneyɛlɛ la bie mɔ a le boni?

• Ɔmaa yɛ anwosesebɛ wɔ nwonane nu, nganeɛdelɛ nu nee sunsum nu ɔmaa yɛgyinla yɛ ngyegyelɛ nloa.​—Fe 4:13

• Ɔmaa yɛ nrɛlɛbɛ ɔmaa yɛfa yɛsi kpɔkɛ kpalɛ.​—Gye 1:5

• Ɔmaa yɛnyia ɛhulolɛ nee anwosesebɛ yɛyɛ ninyɛne bie mɔ.​—Fe 2:13

• Ɔmaa yɛsie yɛ nwo dii wɔ mekɛ mɔɔ yɛ nye zo kɛda yɛ la.​—Fe 4:6, 7

• Ɔmaa awie mɔ boa yɛ wɔ nwonane nu nee nganeɛdelɛ nu.​—1Dw 3:17, 18

• Ɔboa menli mɔɔ yɛyɛ asɔne yɛmaa bɛ la.—Gyi 12:5, 11

NEA GYIHOVA LE “ASƆNEYƐLƐ TIEVOLƐ” VIDIO NE NA AKEE BUA KPUYA ƐHYE MƆ:

• Saa yɛngola yɛnyɛ dɔɔnwo ɔlua yɛ kpɔkɛdelɛ ti a, kɛzi Adiema Shimizu anwubielɛ ne bahola amaa yɛ anwosesebɛ ɛ?

• Kɛzi yɛbahola yɛazukoa Adiema Shimizu neazo ne ɛ?