Sɔnea Biala Lɛ Ye Awieleɛ

Sɔnea kola maa yɛ sa nu to, titili wɔ mekɛ mɔɔ ɔlɛkyɛ la. Ɛnee Devidi ze kɛ, kɛ ɔde ye biala la sɔnea mɔɔ Belemgbunli Sɔɔlo zo doa ye la bara ye awieleɛ na ɔbayɛ belemgbunli kɛ mɔɔ Gyihova ɛbɔ ye ɛwɔkɛ la. (1Sa 16:13) Diedi mɔɔ ɛnee Devidi lɛ la maanle ɔnyianle abotane ɔhendɛle Gyihova.

Yɛkola yɛfa nrɛlɛbɛ, ndelebɛbo nee adwenlenunwunlɛ yɛyɛ gyima yɛkakyi yɛ tɛnlabelɛ ne wɔ mekɛ mɔɔ yɛkɛyia sɔnea la. (1Sa 21:12-14; Mrɛ 1:4) Noko akee saa yɛbɔ mɔdenle yɛfa Baebolo ngyinlazo yɛdi gyima bɔbɔ a, yɛnrɛhola yɛnrɛdu ngyegyelɛ bie mɔ abo. Wɔ tɛnlabelɛ ɛhye mɔ anu bɔbɔ, ɔwɔ kɛ yɛsi abotane na yɛkendɛ Gyihova. Ɔnrɛhyɛ, ɔbaye amaneɛnwunlɛ kɔsɔɔti yeavi ɛkɛ na ‘yeakyikyi yɛ nye anwo monle.’ (Ye 21:4) Saa Gyihova fa ɔ nwo die nu maa yɛ nwo tɔ yɛ anzɛɛ saa yeamba ye zɔ bɔbɔ a, nɔhalɛ edwɛkɛ ko a yɛze a: Sɔnea biala lɛ ye awieleɛ. Ndelebɛbo ɛhye kola kyekye yɛ rɛle kpalɛ.

NEA KOYƐLƐ WƆ EWIADE MƆƆ MGBAKYEMGBAKYENU WƆ NU LA ANU VIDIO NE NA BUA KPUYA ƐHYE MƆ:

• Ngyegyelɛ boni a Kilisienema bie mɔ mɔɔ bɛwɔ United States nyiakɛ la yiale a?

• Kɛzi bɛzile abotane na bɛlale ɛlɔlɛ ali ɛ?

• Kɛzi bɛhɔle zo bɛvale bɛ adwenle bɛziele “ninyɛne mɔɔ hyia kpalɛ la” azo ɛ?​—Fe 1:10