Nwane Mɔ A Le Ɛ Gɔnwo Mɔ Wɔ Yintanɛte Ne Azo A?

Bɛkile agɔnwolɛ nu kɛ “menli nwiɔ mɔɔ beta bɛ nwo kyengye ɔlua ɛlɔlɛ ti” la. Kɛ neazo la, mɔɔ Devidi hunle Golayate wiele la, Dwɔnatan nee Devidi vale agɔnwolɛ kyengye. (1Sa 18:1) Bɛ nuhua biala lale subane mɔɔ ɛnee ɔ gɔnwo anye die nwo la ali. Ɛhye kile kɛ amaa ɛ nee awie ava agɔnwolɛ kyengye la, ɔwɔ kɛ ɛnwu ye kpalɛ. Ɔdie mekɛ nee mɔdenlebɔlɛ na wɔanwu awie kpalɛ. Noko akee, ɔnyɛ se fee kɛ menli bɛava bɛ nwo “agɔnwolɛ” wɔ yintanɛte ne azo. Ɔluakɛ wɔ yintanɛte ne azo menli kola siezie edwɛkɛ mɔɔ bɛka la yɛɛ bɛlɛ tumi wɔ kɛzi bɛkulo kɛ menli nwu bɛ la azo. Ɔnyɛ se kɛ awie bava kɛzi ɔde la yeazie wɔ yintanɛte ne azo. Yemɔti ɔwɔ kɛ ɛnea boɛ kpalɛ amaa wɔanwu menli mɔɔ ɔwɔ kɛ ɛ nee bɛ bɔ anzɛɛ ɛfa bɛ agɔnwolɛ wɔ yintanɛte ne azo la. Saa awie mɔɔ ɛnze ye kpalɛ la kulo kɛ ɛyɛ ɔ gɔnwo wɔ yintanɛte ne azo a, mmamaa ɔgyegye wɔ kɛ ɛbakpo agɔnwolɛ ɛhye. Ɔlua ngyegyelɛ mɔɔ social network fa ba la ati, bie mɔ ɛzi kpɔkɛ kɛ bɛnrɛva bɛnrɛli gyima fee. Noko akee, saa ɛsi kpɔkɛ kɛ ɛfa wɔayɛ gyima a, duzu a ɔwɔ kɛ ɛmaa ɔtɛnla wɔ adwenle nu a?

NEA NWU ESIANE MƆƆ YINTANƐTE ZO AGƆNWOLƐVALƐ FA BA LA VIDIO NE NA BUA KPUYA ƐHYE MƆ:

• 

  Kolaa na wɔahɛlɛ edwɛkɛ anzɛɛ wɔava nvoninli bie wɔado ɛkɛ la, duzu a ɔwɔ kɛ ɛsuzu nwo a?

• 

  Duzu ati a ɔwɔ kɛ ɛnea boɛ wɔ menli mɔɔ ɛfa bɛ agɔnwolɛ wɔ yintanɛte ne azo la anwo a?

• 

  Duzu ati a ɔwɔ kɛ ɛyɛ mekɛ dodo mɔɔ ɛbava wɔahɔ social media ne azo la anwo ngyehyɛleɛ a?​—Ɛf 5:15, 16