Abɔdeɛ Maa Yɛmia Anwodozo Mɔɔ Yɛlɛ Ye Wɔ Gyihova Nrɛlɛbɛ Ne Anu La Anu

Asoo Gyihova ze mɔɔ ɔle kpalɛ ɔmaa yɛ mekɛ biala ɔ? Ɛhɛe! Ɛhye ati saa yɛdi ye adehilelɛ nzi a, ɔkile kɛ yɛze nrɛlɛbɛ. (Mrɛ 16:3, 9) Noko akee, saa yɛ nzuzulɛ nee ye adehilelɛ ɛnyia a, ɔkola ɔsɔ anwodozo mɔɔ yɛlɛ ye wɔ ye nu la ɔnea. Saa yɛdwenledwenle ninyɛne mɔɔ Gyihova ɛbɔ la anwo a ɔmaa anwodozo mɔɔ yɛlɛ ye wɔ ye nrɛlɛbɛ ne anu la yɛ kpole.​—Mrɛ 30:24, 25; Wlo 1:20.

NEA ASOO AWIE A YƐLE A? DUZU A NGYIGYILIRA YƐ AMAA BƐANGYELE ZO WƆ BƐ ƐHƆLƐ NU A? VIDIO NE NA BUA KPUYA ƐHYE MƆ:

• Gyima boni a ngyigyilira dɔɔnwo yɛ ye alehyenlɛ biala a?

• Duzu a ngyigyilira yɛ amaa bɛangyele zo a?

• Duzu a alesama bahola azukoa avi kɛzi ngyigyilira kɔ ba noko bɛngyele zo la anu a?

NEA ASOO AWIE A YƐLE A? MƆƆ MAA WOLƐ KOLA TU LA VIDIO NE NA BUA KPUYA ƐHYE MƆ:

• Ngyegyelɛ boni a menli mɔɔ bɛka alopile ngyikyi la yia a?

• Kɛzi wolɛ kola tu mɔɔ anwoma anu ɛsesebɛ ɛnva ye ɛnli akɔneaba ɛ?

• Kɛzi alesama bahola anyia nrɛlɛbɛ adenle mɔɔ wolɛ dua zo tu la azo nvasoɛ kenle bie ɛ?

Gyihova nrɛlɛbɛ ne anwo daselɛ boni a wɔnwu ye wɔ ninyɛne mɔɔ yebɔ la anu wɔ ɛleka mɔɔ ɛwɔ la ɛ?