Kɛzi Mediema Mraalɛ Bahola Ayɛ Dɔɔnwo Wɔ Gyihova Ɛzonlenlɛ Nu Ɛ?

Mediema mraalɛ yɛ dɔɔnwo boa Belemgbunlililɛ gyima ne. (Ed 68:11) Bɛyɛ sua nu Baebolo ɛzukoalɛ dɔɔnwo. Dahuu adekpakyelɛma dɔɔnwo le mraalɛ. Bɛ nuhua apenle dɔɔnwo le Bɛtɛlema, edwɛkpatɛlɛvolɛma, edwɛkɛbohilelɛma yɛɛ bɛ nuhua dɔɔnwo tu bɛ nwo maa boa suazilɛ gyima ne. Mediema mraalɛ mɔɔ ɛnyi wɔ sunsum nu la maa bɛ mbusua nee asafo ne anu amra anwosesebɛ. (Mrɛ 14:1) Ɔwɔ nuhua kɛ bɛngola bɛnzonle kɛ mgbanyima nee azonvolɛ ɛdeɛ, noko bɛkola bɛfa bodane ngakyile bɛsie bɛ nye zo wɔ asafo ne anu. Kɛ adiema raalɛ la, kɛzi ɛbahola wɔayɛ dɔɔnwo wɔ Gyihova ɛzonlenlɛ nu ɛ?

• Nyia Kilisiene subane mgbalɛ.—1Ti 3:11; 1Pi 3:3-6

• Boa mediema mraalɛ mɔɔ bɛnlɛ anwubielɛ dɔɔnwo wɔ wɔ asafo ne anu la.​—Ta 2:3-5

• Fa mekɛ dɔɔnwo yɛ daselɛlilɛ gyima ne na nyia anyuhɔlɛ

• Sukoa aneɛ gyɛne

• Tu kɔ ɛleka mɔɔ moalɛ nwo hyia la

• Fa sie ɛ nye zo kɛ ɛbazonle wɔ Bɛtɛle anzɛɛ ɛbaboa wɔamaa bɛasisi teokelase azua ngakyile

• Fa sie ɛ nye zo kɛ ɛbahɔ Belemgbunlililɛ Edwɛkpakavolɛma Sukulu ne bie

NEA “MRAALƐ MƆƆ ƐLƐYƐ GYIMA ƐSESEBƐ WƆ AWULAE ANU LA” VIDIO NE NA BUA KPUYA ƐHYE:

• Kɛzi mediema mraalɛ ne mɔ anu biala edwɛkɛ ne maa wɔ anwosesebɛ ɛ?