Yɛyɛ Gyihova Mo Wɔ Bɛ Ɛlɔlɛ Ne Anwo

Tɛsalonaekama asafo ne lale ɛlɔlɛ ali hilele bɛ mediema Kilisienema ɔnva nwo kɛ ɛnee bɛlɛyia ngyegyelɛ la. (2Tɛ 1:3, 4) Ɛnɛ, Gyihova menli da ɛlɔlɛ ko ne ala bie ali kile bɛ mediema mɔɔ bɛwɔ ewiade amuala la. “Ninyɛne Mɔɔ Bɛfa Wɔ Ndoboa Bɛyɛ La” mɔɔ wɔ jw.org azo la ka ndenle ngakyile mɔɔ bɛdua zo bɛfa wɔ ndoboa bɛboa mediema mɔɔ bɛlɛyia ngyegyelɛ la anwo edwɛkɛ. Yɛyɛ wɔ mo wɔ wɔ ɛlɔlɛ nee wɔ nyele subane ne anwo.

NEA “BƐDABƐ TI YƐYƐ NYAMENLE MO DAHUU” VIDIO NE NA BUA KPUYA ƐHYE MƆ:

• Ninyɛne boni mɔ a bɛfa yɛ ndoboa ne bɛyɛ a?

• Adenle kpalɛ boni azo a yɛbahola yɛalua yɛava ezukoa afoa nu moalɛ yɛamaa yɛ mediema mɔɔ bɛhyia la ɛ?​—Eza nea edwɛkɛ “Surplus Offsets a Deficiency” mɔɔ wɔ jw.org azo la