Kɔ Zo Tete Wɔ Adwenle Ne

Awie biala mɔɔ su ɛnriandilɛ anzɛɛ nwɔhoalilɛ gyɛne biala la kɔ zo tete ɔ nwo amaa yeanwu ɔ nye zo kpalɛ. Zɔhane ala a ɔwɔ kɛ yɛbɔ mɔdenle yɛtete yɛ adwenle ne kpalɛ a. (Hi 5:14) Bie a ɔnrɛyɛ se kɛ yɛbava awie mɔ kpɔkɛzilɛ yɛayɛ gyima, noko ɔhyia kɛ yɛtete yɛ adwenle na yɛsi yɛ ti anwo kpɔkɛ. Duzu ati ɔ? Ɔluakɛ yɛ nuhua ko biala babu ye kpɔkɛzilɛ nwo mgbonda.—Wlo 14:12.

Ɔnle kɛ yɛte nganeɛ kɛ, kɛ mɔɔ yɛzɔne yɛhyɛ la ati yɛbahola yɛazi kpɔkɛ kpalɛ. Amaa yɛazi kpɔkɛ kpalɛ wɔ yɛ ɛbɛlabɔlɛ nu la, ɔwɔ kɛ yɛfa yɛ nwo yɛto Gyihova, ye Edwɛkɛ ne yɛɛ ye ahyehyɛdeɛ ne azo bɔkɔɔ.—Dwh 1:7, 8; Mrɛ 3:5, 6; Mt 24:45.

NEA “NYIA ADWENLE KPALƐ” VIDIO NE NA BUA KPUYA ƐHYE MƆ:

• 

  Kpɔkɛ boni a ɛnee ɔwɔ kɛ Emma si a?

• 

  Duzu ati a ɔnle kɛ yɛfa yɛ nzuzulɛ yɛtinlitinli awie mɔ anwo zo ɛ?

• 

  Folɛdulɛ mɔɔ nrɛlɛbɛ wɔ nu la boni a agyalɛma bie nee Emma zuzule nwolɛ a?

• 

  Nienwu a Emma nyianle moalɛ vale lile ye tɛnlabelɛ ne anwo gyima a?