Gyihova Nyilalɛ Nwo Daselɛ

8:6-9, 12; 9:1-5, 23, 24

Mɔɔ bɛkpale Aalɔn nee ɔ mra ne mɔ kɛ ɛsɔfoma fofolɛ la, Gyihova maanle senle vile anwuma rayelale bɛ ɛyelalɛ afɔlebɔlɛ mɔɔ limoa la. Gyihova yɛle zɔ hilele kɛ ɔdie Aalɔn nee ɔ mra ne mɔ mɔɔ bɛkpa bɛ kɛ ɛsɔfoma la ɔto nu. Ɔluale ɛhye azo ɔmaanle menli mɔɔ yiale ɛkɛ ne amuala la anwosesebɛ kɛ ɔwɔ kɛ bɛgyinla ɛsɔfoma ne anzi. Ɛnɛ, Gyihova ɛlɛfa Gyisɛse Kelaese mɔɔ bɛwula ye anyunlunyia la ali gyima kɛ Ɛsɔfo Kpanyinli mɔɔ tɛla biala a. (Hi 9:11, 12) Wɔ ɛvolɛ 1919, Gyisɛse kpale menli mɔɔ bɛkpokpa bɛ la anu ekpunli ekyi bie kɛ “akɛlɛ nɔhavo nee badwema ne.” (Mt 24:45) Daselɛ boni a kile kɛ Gyihova ɛyila bɛ na ɔdie bɛ ɔto nu a?

• Ɔnva nwo ɛkpɔlɛ mɔɔ anu yɛ se la, akɛlɛ nɔhavo ne ɛhɔ zo ɛmaa yɛ sunsum nu aleɛ

• Kɛ mɔɔ bɛha bɛdo ɛkɛ ne la, amgba bɛlɛbɔ edwɛkpa ne nolo “wɔ azɛlɛ ye azo amuala.”​—Mt 24:14

Kɛzi yɛbahile kɛ yɛgyi akɛlɛ nɔhavo nee badwema ne anzi kpundii ɛ?