Bu Agɔnwolɛvalɛ Mɔɔ Ɛ Nee Gyihova Lɛ La Kɛ Ɔsonle Bolɛ

Gyihova Alasevolɛ lɛ nwolɛ adenle titili. Kɛ Kilisienema mɔɔ yɛyila yɛ nwo zo na yɛzɔne la, yɛbɔ mɔdenle kɛ yɛbamaa agɔnwolɛvalɛ mɔɔ yɛ nee Tumivolɛ Awulae Gyihova lɛ la anu amia. Yelua ɔ Ra ne anwo zo yehwe yɛ yera ɔ nwo. (Dwn 6:44) Ɔtie yɛ asɔneyɛlɛ.​—Ed 34:15.

Kɛ ɔkɛyɛ na yɛabɔ yɛ nee Nyamenle agɔnwolɛvalɛ ɛhye anwo bane ɛ? Mɔɔ limoa, ɔnle kɛ yɛyɛ nvonleɛ mɔɔ Yizilayɛma ne yɛle la bie. Mɔɔ bɛ nee Gyihova yɛle ngyekyeleɛ la anzi, yeangyɛ biala yɛɛ bɛyɛle ɛnlankɛ ralɛ ananze na bɛzonlenle ye a. (Ɛzɛ 32:7, 8; 1Kɔ 10:7, 11, 14) Bie a, yɛbabiza yɛ nwo kɛ: ‘Saa meyia sɔnea a, duzu a meyɛ a? Asoo mefa me nyɛleɛ mekile kɛ mebu agɔnwolɛvalɛ mɔɔ me nee Gyihova lɛ ye la ɔ?’ Yɛ anwuma Selɛ ne anwo ɛlɔlɛ kpole mɔɔ yɛlɛ ye la ka yɛ maa yɛtwe yɛ nwo yɛfi ninyɛne mɔɔ ɔkyi la anwo.​—Ed 97:10.

NEA BƆ Ɛ NEE GYIHOVA AGƆNWOLƐVALƐ NE ANWO BANE (KƆL 3:55) VIDIO NE NA BUA KPUYA ƐHYE MƆ:

• Anyebolo a le duzu?

• Duzu ati a ɔwɔ kɛ yɛkoati anyebolo nee awozonlezonlenlɛ ɛ?

• Kɛzi agyalɛzɛkyelɛ le kɛ awozonlezonlenlɛ ɛ?

• Duzu ati a ɔwɔ kɛ menli mɔɔ lɛ ɛzonlelilɛ wɔ ahyehyɛdeɛ ne anu la di bɛ agyalɛ nu bokavolɛma ngyianlɛ nwo gyima ɛ?