Ɛbahola Wɔava Wɔ Mekɛ Nee Anwosesebɛ Wɔaboa Ɔ?

Kɛ mɔɔ Ayezaya ngapezo ne ka la, Gyihova ahyehyɛdeɛ ne foa mɔɔ wɔ azɛlɛ ye azo la ɛlɛnyia anyuhɔlɛ adɛla mekɛ biala. (Ay 54:2) Ɛhye ati, ɔhyia kɛ bɛsisi Belemgbunlililɛ Asalo, Nyianu Asalo nee Bɛtɛle azua ngakyile. Bɛsisi azua ɛhye mɔ bɛwie a, ɔwɔ kɛ bɛsiezie na bɛyɛ bie mɔ boɛ. Kɛzi gyimalilɛ ɛhye mɔ maa yɛnyia nwolɛ adenle yɛfa yɛ mekɛ nee yɛ anwosesebɛ yɛboa ɛ?

• Saa ɔdwu yɛ ekpunli ne azo kɛ bɛsiezie Belemgbunlililɛ Asalo ɛkɛ a, ɔwɔ kɛ yɛboa

• Yɛbahola yɛadu yɛ nwo yɛamaa yɛalie ndetelɛ mɔɔ bɛamaa yɛahola yɛaziezie Belemgbunlililɛ Asalo ɛkɛ la

• Yɛbahola yɛahyehyɛ Local Design/Construction Volunteer Application (DC-50) kɛlata ne, amaa yɛaboa suazilɛ nee ye ɛziezielɛ mɔɔ kɔ zo wɔ ɛleka mɔɔ yɛde la

• Yɛbahola yɛahyehyɛ Application for Volunteer Program (A-19) kɛlata ne, amaa yɛahola yɛava dapɛne ko anzɛɛ mɔɔ bo zɔ la yɛaboa Bɛtɛle mɔɔ wɔ yɛ maanle nu anzɛɛ maanle gyɛne zo la

NEA BƐLƐYƐ SUAZILƐ FOFOLƐ BIE ANWO NGYEHYƐLEƐ​—FOA BIE VIDIO NE NA BUA KPUYA ƐHYE MƆ:

• Ɔbɔ ye 2014 mɔɔ ba la, anyuhɔlɛ boni a yɛanyia ye wɔ kɛzi yɛfa vidio yɛdi gyima la anu ɛ?

• Amaa yɛanyia vidio ngakyile mɔɔ yɛfa yɛdi gyima wɔ yɛ ɛzonlenlɛ nu la, suazilɛ boni a bɛlɛyɛ nwolɛ ngyehyɛleɛ a, na ɔbali mekɛ tendenle nyɛ?

• Kɛzi yɛbahola yɛadu yɛ nwo yɛamaa yɛaboa ɛ?

• Saa ɛkulo kɛ ɛboa Ramapo suazilɛ gyima ne a, kɛmɔti a ɔwɔ kɛ ɛhyehyɛ kɛlata (DC-50) ne na ɛboa gyima mɔɔ Local Design/Construction ne ɛlɛyɛ ye wɔ ɛleka mɔɔ ɛwɔ la ɛ?

• Daselɛ boni a maa yɛnwu kɛ Gyihova a, ɛlɛkile gyima ɛhye adenle a?

• Saa ɛnrɛhola ɛnrɛyɛ gyima ɛhye bie a, duzu a ɛbahola wɔayɛ wɔaboa a?