Gyinla Kpundii Wɔ Mekɛ Mɔɔ Awieleɛ Ne Ɛlɛbikye La

DEƐMƆTI ƆHYIA LA: Ɔnrɛhyɛ ninyɛne ɛzulolɛ basisi mɔɔ ɔbazɔ yɛ akɛnrasesebɛ nee anwodozo mɔɔ yɛlɛ ye wɔ Gyihova anu la anlea a. Adalɛ ɛzonlenlɛ ɛzɛkyelɛ ne a babɔ anwongyelelɛ kpole ne abo a. (Mt 24:21; Ye 17:16, 17) Wɔ ngyegyelɛ mekɛ zɔhane anu, yɛbabɔ ndɛnebualɛ edwɛkɛ mɔɔ anloa yɛ se la nolo. (Ye 16:21) Gɔgo mɔɔ ɔvi Meegɔgo la bateta yɛ. (Yi 38:10-12, 14-16) Gyihova balua ye “kenle kpole ne anu konle ne” azo ava ɔ nwo alie nu. (Ye 16:14, 16) Ɔwɔ kɛ yɛbɔ mɔdenle yɛdi nɔhalɛ kɛkala wɔ sɔnea ngakyile nu yɛfa yɛsiezie yɛ nwo yɛmaa kenle bie.

KƐZI BƐYƐ YE LA:

• Nyia akɛnrasesebɛ na fa Gyihova ɛbɛlabɔlɛ nwo ngyinlazo ne mɔ bɔ wɔ ɛbɛla.​—Ay 5:20

• Ɛ nee mediema Kilisienema ɛhɔ zo ɛzonle.—Hi 10:24, 25

• Fa adehilelɛ mɔɔ Gyihova ahyehyɛdeɛ ne fa maa la di gyima ndɛndɛ.​—Hi 13:17

• Dwenledwenle kɛzi Gyihova liele ye menli wɔ tete ne la anwo.​—2Pi 2:9

• Sɛlɛ Gyihova na nyia ye nu anwodozo.—Ed 112:7, 8

NEA EDWƐKƐ MƆƆ BASISI KENLE BIE MƆƆ YƐBAHYIA AKƐNRASESEBƐ​—FOA BIE VIDIO NE NA BUA KPUYA ƐHYE MƆ:

• 

  Tieyɛ nwo sɔnea boni a nolobɔlɛma bie mɔ yiale wɔ mekɛ mɔɔ bɛhakyile bɛ asafo mɔɔ bɛwɔ nu la ɛ?

• 

  Kɛzi tieyɛ maa yɛnyia akɛnrasesebɛ ɛ?

• 

  Duzu ati a yɛbahyia akɛnrasesebɛ nwo wɔ Amagɛdɔn ɛ?

• 

  Baebolo nu edwɛkɛ boni a bamaa diedi mɔɔ yɛlɛ ye kɛ Gyihova balie yɛ la ayɛ kpole a?​—2Ek 20:1-24