NYAMENLE EDWƐKƐ NE AZO NVASOƐ | ƐZƐDƆSO 10-11

Mosisi Nee Aalɔn Lale Akɛnrasesebɛ Kpole Ali

10:3-6, 24-26, 28; 11:4-8

Mosisi nee Aalɔn lale akɛnrasesebɛ kpole ali wɔ mekɛ mɔɔ bɛtendɛ bɛahile Falo mɔɔ ɛnee ɔle sonla kpole wɔ zɔhane mekɛ ne la. Duzu a boale bɛ a? Baebolo ne ka ye wɔ Mosisi anwo kɛ: “Diedi ti a ɔvile Yigyibiti mɔɔ yeanzulo belemgbunli ne ɛya ne a, ɔluakɛ ɔgyinlanle kpundii kɛ yenwu Ahenle ne mɔɔ bɛnnwu ye la.” (Hi 11:27) Ɛnee Mosisi nee Aalɔn lɛ diedi kpole wɔ Gyihova anu ɔti bɛvale bɛ nwo bɛdole ɔ nwo zo.

Tɛnlabelɛ boni mɔ anu a yɛhyia akɛnrasesebɛ na yɛahola yɛaha yɛ diedi ne anwo edwɛkɛ yɛahile menli mɔɔ lɛ tumi la ɛ?

Nvoninli: Tɛnlabelɛ mɔɔ yɛbahyia akɛnrasesebɛ nwo la. 1. Kakula nrenyia ko gyi ɛkɛ ne koonwu wɔ mekɛ mɔɔ awie mɔ ɛlɛbiza fɛlɛnra ahye la. 2. Adiema nrenyia bie gyi ye kpundii wɔ kɔɔto mgbanyima nyunlu. 3. Adiema kakula nrenyia ko ɛlɛfa trate amaa suamenle bie wɔ mekɛ mɔɔ Kpolisinli bie ɛlɛnea ye la.