NYAMENLE EDWƐKƐ NE AZO NVASOƐ | GYƐNƐSESE 32-33

Ɛlɛpele Wɔakpondɛ Nyilalɛ Ɔ?

Amaa yɛanyia Gyihova ɛkɛ ne nyilalɛ la, ɔwɔ kɛ yɛbɔ mɔdenle kpalɛ yɛfa Belemgbunlililɛ ne yɛdimoa yɛ ɛbɛlabɔlɛ nu. (1Kɔ 9:26, 27) Gyekɔbo mɔɔ ɛnee yeyɛ kpanyinli la lale subane mɔɔ ɔwɔ kɛ yɛda ye ali wɔ ɛzonlenlɛ mɔɔ yɛfa yɛmaa Gyihova la anu. Yɛkile kɛ yɛlɛkpondɛ Gyihova ɛkɛ ne nyilalɛ saa . . .

Yɛsiezie yɛ nwo kpalɛ yɛmaa asafo debiezukoalɛ a
Yɛkɔ daselɛlilɛ dahuu a
Yɛyɛ biala mɔɔ yɛbahola la yɛboa yɛ asafo ne anu amra a

Nvoninli: Ninli bie mɔɔ ɔnlɛ alagye la. 1. Ɔlɛfa asɔneyɛlɛ yeabɔ alehyenlɛ ne abo. 2. Ɔlɛmaa ɔ ra adɔma ne aleɛ kolaa na yeahɔ daselɛlilɛ. 3. Ɔlɛfa anyelielɛ yɛayɛ daselɛlilɛ gyima ne, ɔ nee ɔ mra mraalɛ nwiɔ ne nee mediema mraalɛ nwiɔ mɔɔ bɛwɔ asafo ne anu la.

Ɔnva nwo tɛnlabelɛ anu ɛsesebɛ mɔɔ ɛwɔ nu la, yɛ asɔne dahuu kpondɛ Gyihova moalɛ na sɛlɛ ye kɛ ɔyila mɔdenle mɔɔ ɛlɛbɔ wɔazonle ye la azo.

BIZA Ɛ NWO KƐ, ‘Me ɛbɛlabɔlɛ afoa boni mɔ anu a ɔhyia kɛ meyele me nwo amaa meanyia Gyihova ɛkɛ ne nyilalɛ a?’