Kɛzi Agyalɛma Bamaa Bɛ Agyalɛ Ne Azɔ La

Ebileham nee Sɛla le agyalɛma mɔɔ yɛle neazo kpalɛ wɔ kɛzi bɛda ɛhulolɛ nee ɛbulɛ ali la. (Gyn 12:11-13; 1Pi 3:6) Noko, ɛnee bɛ agyalɛ ne ɛnli munli, yemɔti ɛnee ɔwɔ kɛ bɛgyinla ngyegyelɛ nloa. Duzu a agyalɛma bahola azukoa avi Ebileham yɛɛ Sɛla neazo ne anu a?

Bɛli adwelie. Bua edwɛkɛ mɔɔ ɛ hu anzɛɛ ɛ ye bava ɛya aha la bɛtɛɛ. (Gyn 16:5, 6) Bɛnyia mekɛ bɛmaa bɛ nwo. Ka kile ɛ ye anzɛɛ ɛ hu kɛ ɛkulo ye na fa wɔ nyɛleɛ noko kile zɔ. Mɔɔ tɛla biala la, bɛmaa Gyihova ɛdɛnla bɛ agyalɛ ne anu ɔlua debie mɔɔ bɛbazukoa, asɔne mɔɔ bɛbayɛ na bɛazonle bɛabɔ nu la azo. (No 4:12) Agyalɛ mɔɔ nuhua mia la wula Gyihova mɔɔ le agyalɛ Hyehyɛvolɛ ne la anyunlunyia.

NEA KƐZI ƐBAMAA WƆ AGYALƐ AZƆ LA VIDIO NE NA BUA KPUYA ƐHYE MƆ:

• Wɔ vidio ne anu, sɛkɛlɛneɛ boni a ɛnee kile kɛ edwɛkɛ ɛlɛba Shaan nee Kiara avinli a?

• Duzu ati a ɔhyia kɛ agyalɛma buke bɛ nu di adwelie a?

• Kɛzi Ebileham nee Sɛla neazo ne boale Shaan nee Kiara ɛ?

• Ndenle boni mɔ azo a Shaan nee Kiara luale maanle bɛ agyalɛ ne zɔle a?

• Kɛmɔti a ɔnle kɛ kunli nee yelɛ nea adenle kɛ bɛ agyalɛ ne bali munli ɛ?