Nyɛleɛ Mɔɔ Anwo Te Yɛɛ Ɛbulɛ Kpole Ka Ahonle

Yelɛma mɔɔ bayɛ diedima la ta maa bɛ hu mɔ banwu nɔhalɛ ne ɔlua Kelaese subane mɔɔ bɛda ye ali la ati. Noko akee, ɛhye bahola amaa bɛagyinla tɛnlabelɛ mɔɔ anloa yɛ se la anloa ɛvolɛ dɔɔnwo. (1Pi 2:21-23; 3:1, 2) Saa ɛlɛnwu amaneɛ a, kɔ zo fa kpalɛ di ɛtane zo konim. (Wlo 12:21) Wɔ neazo kpalɛ ne bahola azo ma kpalɛ mɔɔ anrɛɛ edwɛkɛ mɔɔ ɛbaha la angome ɛnrɛhola ɛnrɛyɛ a.

Bɔ mɔdenle kɛ ɛbanwu ninyɛne kɛ mɔɔ ɛ hu anzɛɛ ɛ ye nwu ye la. (Fe 2:3, 4) Da anwunvɔnezelɛ subane ali, na bɔ mɔdenle di wɔ ɛzonlelilɛ nwo gyima kpalɛ. Yɛ tievolɛ kpalɛ. (Gye 1:19) Nyia abotane na maa ɛ hu anzɛɛ ɛ ye ɛnwu kɛ ɛkulo ye. Saa ɛ hu anzɛɛ ɛ ye anla zɛhae kpalɛyɛlɛ anzɛɛ ɛbulɛ ne bie ali angile wɔ bɔbɔ a, nyia anwodozo kɛ Gyihova anye sɔ wɔ nɔhalɛlilɛ ne kpalɛ.​—1Pi 2:19, 20.

NEA GYIHOVA MAA YƐ ANWOSESEBƐ ƆMAA YƐSOA YƐ ADESOA NE MƆ VIDIO NE NA BUA KPUYA ƐHYE MƆ:

• Mɔɔ Grace Li hɔle agyalɛ fofolɛ la tɛnlabelɛ boni a ɛnee ɔwɔ nu a?

• Duzu a maanle ɔbɔle ɔ bo kɛ ɔsukoa Baebolo nu nɔhalɛ ne a?

• Kɛzi Adiema Raalɛ Li gyinlanle ngyegyelɛ mɔɔ ɔyiale wɔ ye ɛzɔnenlɛ nzi la anloa ɛ?

• Nzɛlɛlɛ boni a Adiema Raalɛ Li yɛle ye wɔ ɔ hu anwo a?

• Nyilalɛ boni a Adiema Raalɛ Li ɛnyia wɔ ye nyɛleɛ mɔɔ anwo te yɛɛ ɛbulɛ kpole mɔɔ ɔlale ye ali la anwo a?