Kɛzi Gyihova Bade Nganeɛ Ɛ?

Kolaa na yɛazi kpɔkɛ biala la, ɔwɔ kɛ yɛdimoa yɛbiza yɛ nwo kɛ, ‘Kɛzi Gyihova bade nganeɛ ɛ?’ Yɛnrɛnwu Gyihova adwenle muala ɛdeɛ, noko yehile yɛ mɔɔ yɛyɛ a yɛbafɛta yɛamaa “gyima kpalɛ biala a.” (2Ti 3:16, 17; Wlo 11:33, 34) Gyisɛse nwunle Gyihova adwenle wɔ ninyɛne nwo na ɔmaanle nwolɛ hyianle ye wɔ debie biala mɔɔ ɔyɛle la anu. (Dwn 4:34) Bɛmaa yɛyɛ mɔɔ yɛbahola biala la yɛzi kpɔkɛ mɔɔ bazɔ Gyihova anye la yɛva yɛzukoa Gyisɛse.​—Dwn 8:28, 29; Ɛf 5:15-17.

NEA BƆ MƆDENLE NWU GYIHOVA ƐHULOLƐDEƐ (SƐ 19:18) VIDIO NE NA BUA KPUYA ƐHYE MƆ:

• Duzu ati a ɔwɔ kɛ yɛfa Baebolo ngyinlazo yɛyɛ gyima a?

• Baebolo ngyinlazo boni a baboa yɛ wɔ edwɛne mɔɔ yɛtie la anu a?

• Baebolo ngyinlazo boni a baboa yɛ wɔ yɛ adɛladeɛ nee yɛ anwoziezielɛ nu a?

• Ɛbɛlabɔlɛ afoa boni mɔ a ɔwɔ kɛ yɛfa Baebolo ngyinlazo yɛdi gyima a?

• Kɛzi yɛbahola yɛanyia anyuhɔlɛ wɔ ninyɛne mɔɔ Gyihova kulo kɛ yɛyɛ la anu a?