Ɛbahola Wɔali Konim Ɔnva Nwo Ngyegyelɛ Mɔɔ Ɛlɛyia La!

Wɔ awieleɛ mekɛ ɛhye mɔɔ anu yɛ se la anu, Nyamenle menli yia ngyegyelɛ mɔɔ wowɔ kɛ mbowule la. (2Ti 3:1) Kɛzi yɛbahola yɛava yɛ nwo yɛado Gyihova anwo zo na yɛagyinla ngyegyelɛ ɛhye mɔ anloa ɛ? Nea “Bɛbabuke Anyezinlirama Anye” vidio ne amaa wɔanwu mɔɔ Talita Alnashi nee ye awovolɛ ɛyɛ la, na bua kpuya ɛhye mɔ:

• Duzu ngyegyelɛ a ɛnee Talita lɛ ye a?

• Baebolo nu ɛwɔkɛ boni a ɛboa Talita yɛɛ ye awovolɛ ɛmaa bɛhɔ zo bɛla subane kpalɛ ali a?

• Mɔɔ bɛyɛle Talita apelehyɛne ala la, kɛzi ye awovolɛ hilele kɛ bɛlɛ Gyihova anu anwodozo ɛ?

• Kɛzi Talita awovolɛ ɛlua teokelase ninyɛne zo ɛboa ye ɛmaa yenyia Nyamenle anwo ɛlɔlɛ ɛ?

• Ɔnva nwo ngyegyelɛ mɔɔ Talita ɛlɛyia la kɛzi yehile kɛ ɔlɛnyi wɔ sunsum nu ɛ?

• Kɛzi Talita neazo ne ɛmaa wɔ anwosesebɛ ɛ?