Kɔ Zo Si Abotane Kendɛ Ɛsesebɛ

Mekɛ tendenle nyɛ a wɔva wɔhendɛ Nyamenle Belemgbunlililɛ ne ɛralɛ a? Asoo wɔzi abotane wɔhendɛ ye ɛsesebɛ ɔnva nwo ngyegyelɛ mɔɔ ɛlɛyia la ɔ? (Wlo 8:25) Kilisienema bie mɔ yia ɛkpɔlɛ, basabasayɛlɛ, efiadelalɛ, anzɛɛ bɛfa ewule bɛnwunlonwunla bɛ bɔbɔ. Menli dɔɔnwo noko ɛgyinla ngyegyelɛ mɔɔ le kɛ ewule mɔɔ ɛnlɛ ayile anzɛɛ mgbanyinliyɛlɛ nloa.

Saa yɛlɛyia sɔnea a, duzu a baboa yɛ amaa yɛava abotane yɛahendɛ a? Ɔwɔ kɛ yɛdua Baebolo ɛgengalɛ nee nwolɛ ɛdwenledwenlenlɛ zo yɛmaa yɛ diedi ne nyi. Ɔwɔ kɛ yɛfa yɛ adwenle yɛsie yɛ anyelazo ne azo. (2Kɔ 4:16-18; Hi 12:2) Ɔwɔ kɛ yɛsɛlɛ Gyihova kɛ ɔva ye sunsum nwuanzanwuanza ne ɔboa yɛ. (Lu 11:10, 13; Hi 5:7) Yɛ ɛlɔlɛ Selɛ ne bahola aboa yɛ ‘amaa yɛava abotane nee anyelielɛ yɛagyinla debie biala anloa.’​—Kɔl 1:11.

NEA ƆWƆ KƐ ‘YƐFA KPUNDIIGYINLANLƐ YƐSU ƐNRIANDILƐ NE’​—NYIA ANWODOZO KƐ ƐBANYIA ABOTILE NE VIDIO NE, NA AKEE BUA KPUYA ƐHYE MƆ:

• 

  “Esiane” boni mɔ a bahola ado yɛ wɔ ɛbɛlabɔlɛ nu a? (No 9:11, NW)

• 

  Saa yɛyia ngyegyelɛ a, kɛzi asɔneyɛlɛ boa yɛ ɛ?

• 

  Saa yɛngola yɛnyɛ dɔɔnwo wɔ Gyihova ɛzonlenlɛ nu kɛ mɔɔ ɛnee yɛyɛ ye dɛba ne la a, duzu ati a ɔwɔ kɛ yɛfa yɛ adwenle yɛsie mɔɔ yɛkola yɛyɛ ye kɛkala la azo a?

• 

  Duzu a maa ɛkɔ zo ɛnyia anwodozo kɛ ɛbanyia abotile ne a?