Kpɔvolɛ Atisesebɛ Bie Rayɛle Dasevolɛ Mɔɔ Bɔ Mɔdenle

Sɔɔlo vale mɔɔ ɔzukoale la ɔyɛle gyima ndɛndɛ. Duzu ati a Sɔɔlo yɛle zɔ wɔ mekɛ mɔɔ menli gyɛne anyɛ zɔ la ɛ? Ɔluakɛ ɛnee ɔsulo Nyamenle ɔtɛla sonla, yɛɛ ɔhilele anyezɔlɛ kpole wɔ Kelaese anwunvɔnezelɛ ne anwo la ati ɔ. Saa ɛlɛsukoa Baebolo ne noko bɛtɛsɔnenle wɔ a, asoo ɛbazukoa Sɔɔlo na wɔava mɔɔ ɛlɛsukoa la wɔayɛ gyima ɔ?